段純貞牛肉麵 (如心廣場一期)

营业中

休息中

香港都有唔少嘅台灣牛肉麵，當中不乏台灣過江龍。之前睇YouTube介紹過段純貞，一直都好有興趣試吓，於是就去左荃灣呢間試下。首先點左個鹽酥雞。店員一上菜嘅時候，已經覺得賣相好吸引。每件雞球都非常飽滿，好想即刻就咬一啖。結果味道都冇令我失望，熱辣辣，外層揸得鬆脆，肉質仍保持鮮嫩多汁。$48有呢個份量同質素，真係非常最值。蒜香手撕雞乾拌麵最令我印象深刻嘅係啲配料真係非常充足，尤其係蒜頭同花生。我自問食嘢都有少少重口味，呢個拌麵幾啱我口味。跟住就係今日嘅主角牛肉麵。由於我無辣不歡，於是我就揀咗麻辣五花牛肉麵。第一樣試嘅當然係個湯底。據說呢個湯底用咗23種藥材加上牛脂熬製。但係我就一啲都唔覺得邊種藥材味道特別霸道，感覺非常調和。我揀選嘅粗麵條亦有助於掛汁，口感亦非常煙韌彈牙。加埋份量適當嘅牛肉，真係非常令人滿意。飲品就揀咗珍珠奶茶同埋杯牙奶茶。茶味夠濃，令呢餐錦上添花。