文輝墨魚丸大王

营业中

休息中

今日去文輝買外賣返公司食，食佢嘅招牌菜——紫菜墨三鮮河（$46）。俾完錢一分鐘左右就拎得，好快，但因為等埋去第二度買嘢食嘅同事所以遲咗返去，搞到啲河粉索晒水漲咗，賣相變得無咁吸引。唔好睇相就以為淨係得粉、紫菜同丸，其實禾稈冚珍珠，好物沉歸底。啲粉下面係滿滿嘅墨魚仔同墨魚鬚！！ 妹妹: 啲墨魚丸好紮實，真材實料有墨魚粒喺入面。墨魚仔有好多好多隻，食嘅時候仲可以兜住啲湯，好鮮甜。墨魚鬚勁粗，好彈牙，好食！ 妹妹: 雖然價錢唔算平，但有咁多墨魚仔同墨魚鬚咁足料，我覺得都可以話幾抵食。