影片
更多
2019-10-07
1193 浏览
Afternoon tea比我既感覺通常都係搵好多件甜品擺喺個靚靚既三層茶上面然後就呃女仔錢，今次難得搵到間係性價比較高、好食既Afternoon tea set，就係喺半山既VEDA喇。VEDA既afternoon tea好在邊度呢？首先價錢ok，$408兩個人包野飲；另外係素食嚟既，鹹點比甜點多，食落罪惡感少啲。今日重陽節，嚟食下午茶既人比想像中少，通常都係食完午餐就走既客。呢度環境唔錯，係間高身既玻璃屋，感覺唔會太侷促。啲枱就擺得逼啲，二人枱同隔離既差唔多痴埋一齊，但另一邊既四人枱就闊落啲，亦冇咁易比人偷聽到🙉啱啱去到嗰陣未夠三點，店員比咗主餐牌我睇先，餐牌用梵文同英文寫既，有啲食材比較少見，可能都要上網搵一搵係咩黎既😂到下午茶menu喇，鹹甜點係固定既，飲品就有幾多選擇。同朋友分別揀咗flat white同americano，味道不過不失啦，本身對bar既咖啡都唔會抱太高期望。個tea set係兩層既，除咗上層既orange cake其他都係鹹點。先講下面嗰層，店員提醒個類似鬆餅既包要趁熱食，咁樣啲芝士既狀態會最好，咬落好香芝士同香草味；黃色嗰個薯餅好多南瓜碎都幾好食，個蘑菇撻
VEDA既afternoon tea好在邊度呢？首先價錢ok，$408兩個人包野飲；另外係素食嚟既，鹹點比甜點多，食落罪惡感少啲。
今日重陽節，嚟食下午茶既人比想像中少，通常都係食完午餐就走既客。
呢度環境唔錯，係間高身既玻璃屋，感覺唔會太侷促。
啲枱就擺得逼啲，二人枱同隔離既差唔多痴埋一齊，但另一邊既四人枱就闊落啲，亦冇咁易比人偷聽到🙉
啱啱去到嗰陣未夠三點，店員比咗主餐牌我睇先，餐牌用梵文同英文寫既，有啲食材比較少見，可能都要上網搵一搵係咩黎既😂
到下午茶menu喇，鹹甜點係固定既，飲品就有幾多選擇。
同朋友分別揀咗flat white同americano，味道不過不失啦，本身對bar既咖啡都唔會抱太高期望。
個tea set係兩層既，除咗上層既orange cake其他都係鹹點。
先講下面嗰層，店員提醒個類似鬆餅既包要趁熱食，咁樣啲芝士既狀態會最好，咬落好香芝士同香草味；黃色嗰個薯餅好多南瓜碎都幾好食，個蘑菇撻好似將碗忌廉湯變咗忌廉咁，都幾特別。
上層既捲餅有加到泡菜，微辣都幾惹味；橙香蛋糕質地偏結實又好creamy，有啲似new york cheesecake。
除咗orange cake仲有杯granola yoghurt做甜品，yoghurt唔會過甜，加埋啲果肉啱啱好。
如果想清清靜靜同朋友hea下食下tea，都值得黎呢度試下。
张贴
