平日夜晚8:00去到，前面都排緊五六個人，不過等咗10分鐘左右就有位喇！
我就嗌咗自選嘅車仔麵。呢一間嘅麵選擇多少少，我揀咗寬粉紅薯粉配咖喱豬皮、瑞士雞翼同埋麻辣豬腩片加瑞士汁同麻辣汁
個湯濃味得來唔會太鹹
咖喱豬皮冇晒毛非常好
瑞士雞翼滷得入味
麻辣豬腩片就略嫌唔夠麻辣味
2
好味指數： 🌕🌕🌕🌕🌑
另外嗌咗杯酸梅湯，自家製果然係唔同啲，完全唔係出面超市買支裝嘅味道，生津止渴。
好味指數：🌕🌕🌕🌗🌑
最驚喜嘅係，食完麵係會送個甜甜品，我哋嗌加錢轉咗要法式焦糖布甸
冇諗過做車仔麵嘅甜品都可以咁好食！
好味指數：🌕🌕🌕🌕🌑
