影片
更多
2022-07-15
375 浏览
問吓大家：睇show之前最緊要做啲咩？.答案係醫飽個肚！你知啦，睇show又要fing 螢光棒，又要落力嗌，有時興奮起上嚟仲要跳埋一份，要好多energy㗎嘛🤪.話說前嗰排去紅館睇軒公演唱會，入場之前決定喺紅磡附近覓食！呢間拉麵店，我一直想試好耐，但因為佢真係超人氣，成日都排晒長龍，所以一直都冇機會食到。今次我專登早啲嚟，6點前就嚟到，排咗一陣終於有機會食到！（冇錯，係6點前都開始排緊隊🤪）.蒙麵係用車仔麵式嘅叫法，即係揀好麵底，然後每樣餸咁加上去！咁難得嚟到，當然希望試多啲嘢啦🎉我揀咗蒙麵麵底，升級咗番茄薯仔湯底，配料方面揀咗新鮮花甲、糖心鹵蛋、辣味魷魚，另外再加咗串招牌蜜汁叉燒！大滿足🥰🥰🥰.😋三餸麵麵底揀咗蒙麵，係呢間店舖獨有嘅！睇落有啲似幼身嘅烏冬，口感似薯粉，堅靭彈牙。番茄薯仔湯底係呢度嘅招牌之一，番茄味非常香濃，絕對唔係出面是但用茄汁開嗰種！薯仔唔會煲到溶晒，仲可以食到一粒粒嘅薯仔，口感💯💯💯👉🏻花甲份量十足，隻隻都大大隻、啖啖肉，完全冇沙！而且味道好鮮甜，推介👍🏻👍🏻👍🏻👉🏻辣味魷魚好惹味，香得嚟唔會太辣，食開BB辣嘅朋友都handle到！店員會將魷魚另外用碗分開上，令辣
.
答案係醫飽個肚！你知啦，睇show又要fing 螢光棒，又要落力嗌，有時興奮起上嚟仲要跳埋一份，要好多energy㗎嘛🤪
.
話說前嗰排去紅館睇軒公演唱會，入場之前決定喺紅磡附近覓食！呢間拉麵店，我一直想試好耐，但因為佢真係超人氣，成日都排晒長龍，所以一直都冇機會食到。今次我專登早啲嚟，6點前就嚟到，排咗一陣終於有機會食到！（冇錯，係6點前都開始排緊隊🤪）
.
蒙麵係用車仔麵式嘅叫法，即係揀好麵底，然後每樣餸咁加上去！咁難得嚟到，當然希望試多啲嘢啦🎉我揀咗蒙麵麵底，升級咗番茄薯仔湯底，配料方面揀咗新鮮花甲、糖心鹵蛋、辣味魷魚，另外再加咗串招牌蜜汁叉燒！大滿足🥰🥰🥰
.
😋三餸麵
麵底揀咗蒙麵，係呢間店舖獨有嘅！睇落有啲似幼身嘅烏冬，口感似薯粉，堅靭彈牙。番茄薯仔湯底係呢度嘅招牌之一，番茄味非常香濃，絕對唔係出面是但用茄汁開嗰種！薯仔唔會煲到溶晒，仲可以食到一粒粒嘅薯仔，口感💯💯💯
👉🏻花甲份量十足，隻隻都大大隻、啖啖肉，完全冇沙！而且味道好鮮甜，推介👍🏻👍🏻👍🏻
👉🏻辣味魷魚好惹味，香得嚟唔會太辣，食開BB辣嘅朋友都handle到！店員會將魷魚另外用碗分開上，令辣汁唔會沾到個湯底，好貼心！
👉🏻糖心鹵水蛋好份味，熟嘅程度剛好，真心有糖心效果。
.
😋招牌蜜汁叉燒串即叫即燒，上碟係熱辣辣😍叉燒件件厚切、啖啖juicy，啱晒鍾意食肉嘅朋友！廚師會將叉燒燒到少少燶邊，但唔係燶到苦嗰種，少少燶邊更加可口惹味！蜜汁甜度剛好，唔會太甜太膩，食完想再encore!
.
整體嚟講，呢次體驗非常好，亦終於理解點解咁多人排隊！不過建議趕時間嘅話就唔好嗌叉燒喇，因為店主寫明「唔等得 唔好食」😂都好明嘅，慢工出細貨，同埋即叫即燒真係啖啖心機㗎！
.
.
.
題外話，回應吓最開頭：睇show之前最緊要做啲咩？除咗食飽個肚之外，當然係要買到飛啦🤪嚟緊就有MIRROR演唱會喇，各位鏡粉搶到飛未呢？預祝佢哋12個good show啦💪🏻💪🏻💪🏻
张贴
