錦麗 (MOSTown新港城中心(4期))

营业中

休息中

之前經過見到佢剛開張，不過一碗麵也收超過60，又冇包飲品又冇加配其他，感覺價錢幾貴。 今日經過見到唔使等位，忍不住走了入去試試。只得一張menu 寫嚟柯打，夠簡單。柯打完即時送上一杯芽菜香草青檸，枱上寫著芽菜香草冇限量添加。碗麵份量不大，湯底色澤好深色。 牛丸一開二，也彈牙。 肥牛不見肥膏，但入口嫰滑。 腩肉就最美味，夠稔夠肥好美味。 至於湯底就真的十分濃，但濃到嚐不到鮮味，好似老火湯加粉感覺一樣。熱鹹檸檬青檸水，杯太細令到飲品太濃縮帶點苦味，建議轉用大隻杯感覺好些。