影片
更多
2023-07-03
36 浏览
《Aira - 尖沙咀》最近愛上咗居酒屋，間唔中都會同唔同朋友去飲番杯食少少嘢，最好嘅地方係可以慢慢傾吓偈飲吓嘢，然後少少少少咁叫嘢食😎今次去咗呢間位於尖沙咀嘅日式居酒屋，餐廳嘅裝修比較新式同滿有神秘感，入面有好多唔同國家嘅佈置同裝飾物，十分多打卡位置呢😍入到居酒屋就當然想飲酒㗎啦，但由於要揸車嘅關係，所以唔可以飲有酒精嘅嘢so sad 😢 我哋就健康啲揀咗蘋果汁同埋菠蘿汁🤭真係超乖呢💁🏻♀️免治雞肉棒免治雞肉棒用咗雞既軟骨部份同埋雞肉混合一齊燒，咬落有軟骨脆脆地嘅口感，點埋用蛋黃同埋醬油混合一齊嘅醬汁一齊食好惹味呀👍🏻睇得又好食😉大推💁🏻♀️醬燒豆腐呢兩件豆腐上枱嘅時候睇落平平無奇，但係一入口就知道佢充滿驚喜，首先佢熱辣辣好香口，入口爆曬汁之餘仲好濃味，個外皮脆脆的而入面又軟軟的，有兩種不同嘅口感👍🏻啱晒我口味💁🏻♀️辣酒煮蜆呢度嘅辣酒煮顯同出邊食到嘅湯底唔同，佢有少少似韓式嘅辣湯，食得到清酒嘅香味，不過我同朋友都覺得佢算係幾辣，雖然個辣味黎得慢，但係後勁都幾犀利😬而個蜆肉都煮得剛剛好唔會縮咗水，食得出新鮮顯嗰種質感，鍾意食辣同埋海鮮嘅朋友應該會幾喜歡呢一道菜💁🏻♀️蘆筍豬肉卷我發覺
最近愛上咗居酒屋，間唔中都會同唔同朋友去飲番杯食少少嘢，最好嘅地方係可以慢慢傾吓偈飲吓嘢，然後少少少少咁叫嘢食😎今次去咗呢間位於尖沙咀嘅日式居酒屋，餐廳嘅裝修比較新式同滿有神秘感，入面有好多唔同國家嘅佈置同裝飾物，十分多打卡位置呢😍
入到居酒屋就當然想飲酒㗎啦，但由於要揸車嘅關係，所以唔可以飲有酒精嘅嘢so sad 😢 我哋就健康啲揀咗蘋果汁同埋菠蘿汁🤭真係超乖呢
💁🏻♀️免治雞肉棒
免治雞肉棒用咗雞既軟骨部份同埋雞肉混合一齊燒，咬落有軟骨脆脆地嘅口感，點埋用蛋黃同埋醬油混合一齊嘅醬汁一齊食好惹味呀👍🏻睇得又好食😉大推
💁🏻♀️醬燒豆腐
呢兩件豆腐上枱嘅時候睇落平平無奇，但係一入口就知道佢充滿驚喜，首先佢熱辣辣好香口，入口爆曬汁之餘仲好濃味，個外皮脆脆的而入面又軟軟的，有兩種不同嘅口感👍🏻啱晒我口味
💁🏻♀️辣酒煮蜆
呢度嘅辣酒煮顯同出邊食到嘅湯底唔同，佢有少少似韓式嘅辣湯，食得到清酒嘅香味，不過我同朋友都覺得佢算係幾辣，雖然個辣味黎得慢，但係後勁都幾犀利😬而個蜆肉都煮得剛剛好唔會縮咗水，食得出新鮮顯嗰種質感，鍾意食辣同埋海鮮嘅朋友應該會幾喜歡呢一道菜
💁🏻♀️蘆筍豬肉卷
我發覺呢度嘅串燒整體嚟講都做得唔錯，個蘆筍食落好香嫩，唔會有渣同唔會有酸味，用豬肉包住黎燒有助鎖住蘆筍既水份，令到食落唔乾身之餘仲吸收左豬肉既油香添🤭
💁🏻♀️大蔥雞肝
雞肝食落甘香唔會腥，襯熱食仲會食到佢微微既油份同甜味，調味方面只需落少少鹽已經好味道啦
💁🏻♀️日本粟米天婦羅
我同朋友都大贊呢個粟米天婦羅好有驚喜，成為左當晚嘅MVP🥰出面真係好少餐廳會食到用粟米做嘅天婦羅，餐廳將啲粟米起咗粒再點麵粉糊炸香，個表面脆卜卜帶點椒鹽，入面啲粟米都好甜，十分推介
💁🏻♀️A5和牛
食日式串燒又點可以唔食和牛呢？呢一件和牛串燒真係好浮誇，上面放咗不少金箔同埋少量Wasabi調味，本身金箔係冇味道嘅，但係成件串燒一出場嘅presentation令人眼前一亮，當然，佢嘅肉汁同埋油份都仲保留左喺件肉入面，咬落好Juicy🤭💁🏻♀️牛舌芯
牛舌芯一向都係我鍾意嘅item，咬落彈牙唔會有渣，而且食落都幾重牛嘅味道💁🏻♀️脆皮香蕉
甜品方面，我同朋友就決定要咗一份脆皮香蕉，我哋就覺得佢有啲似炸咗嘅香蕉糕，加熱左之後有煙煙韌韌嘅感覺，重點係佢唔算好甜，食多兩件都唔會太膩呢
张贴
