夜上海

营业中

休息中

如果大家有對食上海菜嘅興趣，可能你都會有發現其實喺香港上海菜唔係一啲特別貴嘅菜式。夜上海在一間喺太古廣場嘅中餐廳，價錢老實講真係唔算貴，食物質素又幾高，所以難怪佢係一個星期三嘅晚上可以full house。整體來講夜上海嘅前菜係做得出色過佢嘅主菜，佢嘅醬脆蘿蔔，脆鱔同燻蛋好食。花膠雲吞雞嘅高湯真係好靚，上海式燉翅都係中上。反而有少少失望嘅係蜜汁火舫佢嘅腐皮唔夠脆，刈包亦都唔夠軟。花雕雞嘅雞件本身都唔係特別靚不過都算入味。佢嘅干貝浸瓜絲唔係度度有得食，可以一試幾特別。環境同埋服務來講真係算唔錯啦，望出去雖然係金鐘廊但係景觀都唔算太差落地玻璃夠開揚。裝修新穎，不過我略嫌佢枱同枱之間空間唔夠多。服務來講所有侍應都算醒目。係一餐有翅有花膠食嘅晚飯來講，佢嘅價錢真係算公道。