茶有錫蘭原葉紅茶、高山雲霧綠茶、桂花烏龍、陳皮治神花茶、菊花普洱等唔同既茶，較一般去茶樓既選擇多
我哋飲桂花龍井，龍井茶味甘甜清新，有淡淡既桂花香氣
午市套餐有蒸飯、點心、時蔬同湯
湯係人參排骨湯，有幾根小人參，湯好清甜，濃郁既人參味
荷香陳皮豉汁蒸白鱔飯
淡淡既陳皮香氣，鱔肉好彈牙
飯粒粒分明，鱔既油脂溶化入飯裡面
點心點咗黑金流沙包同蘿蔔絲酥，蘿蔔絲酥外面酥脆，裡面蘿蔔絲清甜
彩虹蝦餃
外觀係彩虹色，啱晒打卡
皮薄，有鮮蝦既香氣，蝦肉結實
黑蒜燒賣
燒賣創新，上面係蟹籽、帶子，帶子味清香，咬落去，餡料結實，豬肉味香、肥瘦均勻，蝦肉、帶子鮮甜
梅菜黑豚肉叉燒腸
外皮軟滑，餡料豐富
濃濃梅菜既香氣，加上甜甜既叉燒，口感不錯
芒果河粉
睇落細細碗，份量好多
上面有桂花啫喱點綴，芒果清甜，河粉既椰香十足，夠爽滑
