二悅

营业中

休息中

小店位於背街，店內只有十幾個位，除左一張4人檯，其他都係2人檯，平時好多人排隊等位。周末趁啱啱開店過來，好好彩仲有最後一張檯。午市套餐幾抵，仲有好多小食可以選擇。二悅紅燒牛腱麵 （$77）店員問係咪第一次來，然後介紹呢款麵嘅食法。先食拌麵，再用湯碗盛湯飲，然後將壺裡面剩餘嘅湯倒入麵中一齊食，好講究。麵條較硬有咬口，有好香嘅蔥油味，牛肉好淋，筋肉分佈平均。湯就咁飲都有好濃郁嘅牛味。將湯倒入麵中，又可以沖淡蔥油嘅油膩感。以店員介紹嘅呢種次序食真係唔錯。手工肉燥乾拌麵定食 （$64）肉臊肥瘦適中，麵底同紅燒牛腱麵差不多。牛骨濃湯味道比較清甜。叫埋香腸同花枝丸兩款小食。花枝丸入面係有魷魚粒的，好有嚼頭。手工肉燥豆腐（$27）使用台式滷味果種較硬嘅豆腐，外層煎過，微脆，好好食。手工肉燥燙青菜（$24）係菜心，非常少油，同台灣燙青菜做法一樣。洛神花蜜（$18）、菊花薑蜜（$18）洛神花蜜（左）較甜，菊花薑蜜味道比較清新。