Espresso Alchemy (美麗華廣場1期)

营业中

休息中

位於美麗華地下低層一個角落嘅Cafe，輕輕鬆鬆地享用了一個精緻嘅下午茶。座位唔算多，但枱與枱之間保留左好大嘅空間俾客人chit chat，裝修簡約，令人好舒服。飲品有好多選擇，特別係咖啡類；但令我意外嘅係有唔同種類嘅手沖茶。我揀咗桂花龍井，餐廳唔用傳統嘅茶壺，用咗簡單嘅器皿，好配合本身簡約而摩登嘅風格。唔好睇佢茶色咁淡，茶味都夠香濃，兩小杯嘅份量⋯令人好想再追加，哈哈。食物方面，朋友叫咗個牛油果多士；擺盤好的骰。欣賞佢嘅麵包夠脆又有穀物香，牛油果夠多，食落口感好豐富。而我由於想試佢嘅咖啡白朱古力西多，所以就揀咗all day breakfast。同其他餐廳相比，以同樣嘅價錢，可以試到比較特別嘅全日早餐，咖啡白朱古力西多偏重甜味，咖啡味較淡；牛角包夠熱、好香，好好味。