雲壽司 (德和大廈)

营业中

休息中

今日lunch過左黎食呢間米芝連推薦嘅壽司店，中環黎講價錢好抵，就算係食Omakase，最平$380已經有交易！絕對係師傅發板嘅入門版。由於lunch time 無行訂枱，所以就早左小小去扲位，入位時係無人嘅，但一到12點之後就好快滿位，重已經有人係出面等位。今日我哋叫左2個特上壽司拼盤$258🍣吞拿魚腩 好厚 油脂分布平均 好香🍣深海池魚 白身魚 肥厚有甘香🍣帶子好厚 好鮮味🍣赤貝 有海水味 口感爽脆🍣海膽 失望 唔夠新鮮 紫菜好淋🍣三文魚籽 粒粉分明 食落都好新鮮 🍣火炙左口魚邊 燒過之後好香魚油味🍣鯖魚 魚味濃 肉質爽滑🍣魴紼 紅白色魚身 味道清甜 肉質結實🍣蔥吞拿魚腩 份量多 入口溶化 有其中三份都用紫菜包住嘅軍艦，但紫菜上枱已經係淋左，好失望🥲之後再追加左🍣 鮟鱇魚肝$48 味道唔腥 淡淡地幾好🍣生銀鱈魚$38 將本身嘅油燒左出嚟 魚油味好香 好食本身重想食赤鯥，但係無貨🥲推薦？ 🟡🟡🟡🟡🥚，魚生質素幾好，價錢相宜，喺中環區平價之選。