北京樓 (歷山大廈)

营业中

休息中

北京樓喺香港都好多分店，仲喺米芝蓮舖頭🌟前菜叫咗桂花糖蓮藕同宮廷四喜拼盤，糖蓮藕呢度菜幾特別，有少少花香味。四喜拼盤入面既醉雞好入味、有濃濃嘅酒香，海蜇非常爽脆👍小籠包就正常發揮，個皮都好薄，肉汁就唔算多。後面嘅肉餃同小籠包嘅餡料一樣，只不過係個皮嘅質地唔同。點心拼盤（叉燒蟹殼王/牛肉餡兒餅/蘿蔔絲酥餅/三娘春卷/海鮮鳳梨酥）樣樣都好好食，蘿蔔絲酥個酥皮口感同味道都好好👍平時唔太愛酥皮嘅我都覺得好好食🤩主角片皮鴨，鴨皮非常香脆😚😚鴨肉嫩滑，果然超正！呢度係半隻嘅份量，都夠4個人食。整體嚟講餐廳環境坐得舒服，服務態度幾好，價錢就偏向貴d。