金燕島潮州酒樓

营业中

休息中

今日帶媽媽去食飯 我哋就揀咗呢間有米芝蓮推介嘅傳統潮式酒家度食飯啦 呢間金燕島潮州酒家 入面裝修都幾靚 環境寧靜適合一家大細一坐低待應姐姐就問我哋飲唔飲功夫茶 飲落非常甘甜 清香解渴而且有開胃嘅作用 鵝片 份量唔大 鵝片已經起咗骨食落非常方便 無論鵝皮同鵝肉都鹵得非常入味 鵝肉非常鬆化甘香太極天河素 好有特色嘅一味餸 外型係太極標誌 成道菜都係素食 口感綿密細滑 雖然係素食 不過味道十足菊花石榴雞 有心思嘅手工菜外面用蛋白皮包住餡料入面有冬菇蝦米肉碎等等 口感豐富黃金蝦棗 入面有蝦膠同蝦肉外皮炸到脆卜卜入面非常鮮味脆口 可以加埋特色嘅梅子醬 一啲都唔油膩