杭州酒家

营业中

休息中

上次食到趕頭趕命，今次想認真慢慢哋享受一下美食，難得同兩老過海，去食米芝蓮一星餐廳。一心嚟食嘅主角臭豆腐，將街頭小食响一星餐廳演繹，細件裝一口嘅size，炸得香脆又易食，將陣陣獨有嘅嗅味變成高級。馬蘭頭，成日誤會佢係雪菜，上網check吓佢原來好有益，涼拌加咗豆腐乾同一點點麻油香，好適合夏天食用。有點貴嘅東坡肉，肉燜得好淋好入味，味道調配得剛好，配上薄餅索上肥肉嘅油脂加一點點汁，好美味。杭州炒麵似幼麵版粗炒，有肉絲、冬菇、韮黃，加上鑊氣，都唔錯。家常餅有香蔥加芝麻炸得好香又脆，好好味。