東海堂 (Lab Concept 金鐘廊)

营业中

休息中

標榜唔會太甜的米乳蛋糕新登場，作為蛋糕fans好難忍心唔試。店員俾個勁大紙盒我裝蛋糕，但實際上個蛋糕起碼細過個盒一半，想扮大份...基本上好多人試完都投訴上層d米通，話d米通因為經過雪藏所以淋晒唔脆口，又話係大伏。但個人黎講比較鐘意煙韌感覺，呢種口感我都接受到，只係白朱古力成份可能多左d，變得偏甜。內層慕絲味道其實唔講唔會知係米乳，以為係豆乳、豆腐個d，都幾清，唔會甜。然後到底層，又黎料... 又係偏甜的消化餅底，其實餅底唔加糖都得掛？總括而言，對鐘意食蛋糕的人黎講，係唔差，可以食完又食，但始終並冇廣告所宣稱咁清淡，或者減番d甜會好d，畢竟係一個good try。