易牙台式料理

营业中

休息中

午餐去咗銅鑼灣金百利廣場食台灣料理，呢間野叫易牙～ 其實係我同事想試吓，所以就陪佢一齊！ 上網喺openrice search之下，原來得一間分店，就係銅鑼灣呢間~門口同隔離法國餐廳黐住，差啲入錯！入到去已經見到幾台客人，餐廳好靜，大家講嘢都好細聲！有啲似cafe, 但係座位就好似快餐店~ 餐牌選擇好多，面同飯都有得揀就算連甜品都有，其實我唔係好熟台灣野，可能係台灣出名嘅甜品👇🏻👇🏻👇🏻因為我哋比較鍾意食咸野，所以叫咗煎雞扒飯加魯肉～ 本來淨係諗住食雞扒飯，但係好似加咗魯肉之後似台灣野，所以就加咗我叫咗珍珠奶茶，本身鍾意飲！不過唔知餐廳嘅珍珠奶茶有冇質素，所以試一試！我覺得魯肉最好食！撈埋飯食係真係會想再添飯～ 不過雞扒就好一般，因為外皮整得唔好食！雖然裏面既肉都好嫩，但係外皮太林，有啲失望！珍珠奶茶方面，唔係太差！不過當然冇依家好興嘅台式飲品咁好飲，但係中規中矩，唔算難飲🤣👍🏻