五福園

营业中

休息中

去深水埗買嘢, 行經北河街, 見到一間小店叫📍五福園📍，係賣閩南小食, 見到有賣扁肉, 入去食下茶點先😆🍭莆田古法扁肉🥣呢個小食外型同小雲吞近似, 但實際是倆樣唔同嘅食物, 扁肉外皮更薄更滑, 肉餡只有豬肉, 唔肥煙韌有口感🍭韭菜鮮肉水餃(蒸)🥢混有韭菜嘅鮮肉蒸餃更有質感, 韭菜提升豬肉嘅鮮味, 咬落仲有少少肉汁標出來, 好惹味 🍭雞蛋腸粉🥚有別於廣東茶樓腸粉, 呢度嘅皺皮腸粉除咗有米香仲有雞蛋香味, 份量十足, 原來簡單嘅滋味, 就係最好嘅味道.