泰Grill (筲箕灣東大街)

营业中

休息中

泰Grill今次要介紹喺筲箕灣一間泰國菜餐廳叫「泰Grill」，佢哋呢間泰國菜餐廳係由泰國廚師主理，怪唔知午市都勁多人排隊，因為呢間泰國菜餐廳嘅午市套餐真係超抵食，套餐主菜叫完仲可以叫加最多10款小食或甜品，呢度小食同甜品平過出面好多，真係性價比好高！呢間泰國菜餐廳門口係有一級，輪椅人士如果有斜板嘅話，入去幫襯都係一個唔錯嘅選擇！1.冬陰功湯金邊粉套餐（雞肉,少辣）$58+炸蝦餅$38+椰汁糕$18+芒果糯米飯$38+龍眼冰$15（9/10）呢碗冬陰功湯雞肉金邊粉份量算多，冬陰功湯底揀咗少辣，酸酸辣辣唔算太重口味，雞肉肉質唔韌，金邊粉好爽滑，而且非常掛汁，套餐加龍眼冰只係$15，龍眼冰比較甜咗少少，再加炸蝦餅只係加$38就有4大舊蝦餅，蝦餅彈牙，外面好香脆，再加個$18椰汁糕嘅甜品，椰汁糕有4舊，口感似大菜糕，上層係椰汁，下層係椰青水，甜度適中，最後再加多一個$38芒果糯米飯，糯米飯砌成紅白兩色嘅心形圖案，芒果超甜超多汁，叫套餐記得叫埋小食同甜品啦！2.泰式青咖哩雞肉飯$68+凍泰式奶茶$5（9/10）呢個泰式青咖哩雞肉飯，用青咖哩汁嚟撈飯簡直一流，青咖哩入面有豆角、紅蘿蔔、椰菜花、西