譚仔三哥米線 (希爾頓中心) (已結業)

成日幫襯兄弟舖，從來都未幫襯過三哥。平日經過，門口都係企滿等位的人。今日難得等位的人唔多，就幫襯吓。呢間舖採用取票叫號的方式，亦有顯示屏指示等唔同人數叫號的情況，呢個時候等位的都係1至2位的客人，亦見陸續有人埋單離開，心想好快有位。點知等了良久遲遲都無人叫號，但位就一個個咁空出嚟，唔通有分時段？ 原來叫號要by batch，真係估佢唔到。入座後發現，每枱只有餐牌一張，剛巧有另一pair客人一齊入座，難委佢哋要等等先可以研究食咩 餐牌的選擇好似比兄弟舖少，睇嚟睇去都唔知叫咩好，為免另一pair人等呆了，便隨便叫了碗酸辣腩肉米線(小辣)。食物的味道同兄弟舖差唔多，米線頗多，可考慮少米線。順帶一提，想落order的時候，d員工好似聾耳陳上身，聽唔到，見唔到，hea爆 如果問我仲會唔會幫襯，今時今日入座要咁樣等，落單要咁樣等，等得咁無謂，食物質素同味道又不是好突出的話，我寧可去返兄弟舖無咁嬲。