影片
更多
2025-06-01
216 浏览
之前喺銅鑼灣食過，超靚畫碟同高質食物已經佢成為我出去食飯個list上嘅頭幾名，知道灣仔都有分店，所以我同老公講，出嚟做完嘢都係要食佢😂酒盜芝士煙燻蘿蔔漬脆卜卜嘅煙燻醃蘿蔔加奶味香濃嘅芝士，估唔到咁好食海苔脆醬魷魚呢個我超鍾意❤️炸得好香口又唔會一團粉，裏面嘅魷魚好嫩滑，配七味粉沙律醬同檸檬汁好惹味北海道-活白象拔蚌上次食唔到，今次見仲有半價就即刻叫，象拔蚌刺身好爽口鮮甜，加埋青瓜絲一齊食，爽口又清新特選刺身盛 + 中本鮪魚腩2切牡丹蝦好大隻啖啖肉，厚切鮮魚刺身鮮甜，另外再加錢要多個時令中本鮪魚腩，油脂豐腴一試難忘壽司火炙左口魚裙邊｜一如以往入口即溶原條海鰻｜大大條海鰻好滿足海苔杯叫晒3款，脆卜卜紫菜杯加鮮甜刺身，完全無欺場1️⃣火炙厚切鮟鱇魚肝｜超好食，魚肝入口即溶唔會腥2️⃣柚子風手切本郁魚腩蓉｜本郁魚腩蓉加埋柚子蓉清新唔會肥膩3️⃣黑松露煙燻帆立貝｜大大隻帆立貝加埋黑松露嘅香味，啖啖肉味覺爆燈青龍青龍卷沾滿紫菜碎，炸蝦脆口，我食晒成條🙈西京燒熟成黑豚肉豚肉甜甜地而且燒到外脆內嫩，肥瘦適中汁燒雞爽肉串呢個第2次食喇，一如以往好爽口，加埋辣蘿蔔蓉惹味好好送酒汁燒免治雞軟骨棒一樣係再encore，雞軟
酒盜芝士煙燻蘿蔔漬
脆卜卜嘅煙燻醃蘿蔔加奶味香濃嘅芝士，估唔到咁好食
海苔脆醬魷魚
呢個我超鍾意❤️炸得好香口又唔會一團粉，裏面嘅魷魚好嫩滑，配七味粉沙律醬同檸檬汁好惹味
北海道-活白象拔蚌
上次食唔到，今次見仲有半價就即刻叫，象拔蚌刺身好爽口鮮甜，加埋青瓜絲一齊食，爽口又清新
特選刺身盛 + 中本鮪魚腩2切
牡丹蝦好大隻啖啖肉，厚切鮮魚刺身鮮甜，另外再加錢要多個時令中本鮪魚腩，油脂豐腴一試難忘
壽司
火炙左口魚裙邊｜一如以往入口即溶
原條海鰻｜大大條海鰻好滿足
海苔杯
叫晒3款，脆卜卜紫菜杯加鮮甜刺身，完全無欺場
1️⃣火炙厚切鮟鱇魚肝｜超好食，魚肝入口即溶唔會腥
2️⃣柚子風手切本郁魚腩蓉｜本郁魚腩蓉加埋柚子蓉清新唔會肥膩
3️⃣黑松露煙燻帆立貝｜大大隻帆立貝加埋黑松露嘅香味，啖啖肉味覺爆燈
青龍
青龍卷沾滿紫菜碎，炸蝦脆口，我食晒成條🙈
西京燒熟成黑豚肉
豚肉甜甜地而且燒到外脆內嫩，肥瘦適中
汁燒雞爽肉串
呢個第2次食喇，一如以往好爽口，加埋辣蘿蔔蓉惹味好好送酒
汁燒免治雞軟骨棒
一樣係再encore，雞軟骨好juicy加埋濃香蛋黃醬油，香滑且外酥內嫩
關東煮
估唔到關東煮都咁出色，蘿蔔好淋好入味，蒟蒻爽煙靭，豆腐豆味好香又吸滿晒汁
白桃烏龍梳打酒
淡淡烏龍味唔會好甜，又飲到少少酒味
巴斯克芝士蛋糕配挪威焦糖芝士
戲肉嚟，呢個我今次俾老公決定寫咩字，我話我睇完要開心嘅，結果見到Happy Wife出現😂仲要畫埋美女與野獸，真係好應境😂今次試cheese cake，cake本身芝士味都算出，加埋焦糖芝士，濃郁加倍，好好食👍🏼
张贴
