南浦炸醬

南浦炸醬位於尖沙咀金巴利道1E號地舖，係一間韓國人主理嘅韓式中華小店，主打炸醬麵同家常小菜，餐牌選擇唔多，就得幾款左右，專攻經典口味，唔花巧但夠專一。環境細細間但乾淨舒適，得幾張枱，暖黃燈光配樸素簡單木枱椅，營造街坊韓國小館嘅親切感。

今日點咗招牌炸醬麵，麵條Q彈有嚼勁超好食，但醬汁甜鹹度唔夠濃郁整體平平。

糖醋肉絕對係全餐最好食，外脆內嫩，酸甜汁平衡唔膩，肉塊肥瘦適中，熱辣辣上枱解饞到爆，始終都係呢間舖嘅王牌。

炸餃子我就唔係好鍾意，餡料普通，但朋友超愛話有家常味。