美味餃子店

营业中

休息中

初出茅蘆喺太子呢邊工作，由舊店幫襯到而家，不論係個人感情，抑或實際味道，依然係我第一順位。冇喺呢度番工後，食到美味餃嘅機會少左，多數靠男朋友外賣或者間中買生餃番屋企煮，又，懶得假日排隊呢。是日約左喺附近蒸身，我先有機會跟友人提出食美味餃，非常回味搬到新店後，店面大左，聽過無數人批評店員服務，但至今我就未遇上過不禮貌嘅對待，可能我多數非繁忙時間去啦。餐牌選擇依舊，三款餃子：雲耳椰菜、韭菜、白菜餃，可湯可煎，分7/10隻，定價$38-45；另有粉麵，但我未曾食過，哈哈白菜肉餃 $40/7隻獨沽一味，去任何餃店，我都首選白菜餃，呢度嘅白菜餃一向好串，早黎先食到，晚市多數冇。餃子同以前一樣，大大粒，皮唔算最薄，但比例最好，肉菜半半，肥膏唔多，白菜爽口，7隻已經有飽腹感。湯碗同荷包一樣縮水，野葛菜煲生魚豬骨真係呢度最啱我口味，濃淡剛好，我不嬲缺湯水，所以真係好buy辣菜莆當然係世界級，可以成兜就咁食。價錢升幅同人工一樣一直成反比，不過就係鐘意食。