农耕记 湖南土菜

農耕記喺唔同地方都有分店，今次揀咗沙田分店作為我哋第一次嘅嘗試。
叫咗酸菜魚，鮮炒黃牛肉，糖醋酥肉同埋鮑魚辣椒炒肉

1

鮮炒黃牛肉味道好濃，夠晒辣，用嚟配飯一流。
酸菜魚嘅湯酸辣適中，我哋最後都有飲晒，10分惹味。
鮑魚辣椒炒肉都好正，冇鮮炒黃牛肉咁辣，但係一樣咁好味。第一次食啲咁細粒嘅鮑魚，都覺得幾新奇，鮑魚嘅份量佢都比得多，唔會覺得太少。
最欣賞嘅係糖醋酥肉，炸得卜卜脆。

我哋仲叫咗四杯飲品，估唔到上到枱係咁大杯，好滿足。