家賀屋刺身寿司專門店

我同朋友都飽飽地，所以晚餐唔係叫左好多野食。餐牌選擇幾多，最終揀左河豚薄切刺身、大名壽司定食同一杯蜜桃冰啤。河豚薄切刺身真係生平第一次食，原來味道同魚生唔太大分別，只係爽口啲，無咩油脂感。大名壽司定食包田園沙律、日替湯品、吉列廣島蠔。吉列廣島蠔熱辣辣，好香脆。壽司有大本鮪魚腩、豐洲鮮魚、油甘魚腩、赤貝、日本帆立貝、日本象拔蚌、赤海老、海膽。對比河豚薄切刺身，壽司既魚生油脂感豐富得多，各有棒場客。蜜桃冰啤上面係沙冰，飲完透心涼。