LPM Restaurant & Bar

行過好多次，終於的起心肝試呢間餐廳。我平時好少叫Cocktail，但今次有人推薦就跟叫咗一杯（相中右邊嗰杯），唔記得叫咩名，但——竟然好飲到打贏我飲咗多年第一名嘅Margarita！真係驚為天人。
食物方面，大部分都係合格水平。可能因為好多菜式都係魚生或者他他牛之類，食材原味為主，冇乜驚喜。八爪魚有啲淡，田螺就真係唔係我杯茶⋯⋯不過我唔可以話佢難食，畢竟我唔係法國菜專家。
甜品Crème Brûlée嘅焦糖面有啲過厚，敲落去有啲吃力。
會唔會再嚟？ 因為服務真係好好，而且我想再試吓其他菜式，睇吓佢哋嘅廚藝真正發揮喺邊度。