二鍋頭 (福苑)

营业中

休息中

呢到係我同朋友聚會嘅食堂，因為旺角呢個位真係超方便。秘制火焰牛尾煲最近新出嘅牛尾煲！普通西式食牛尾就常見，但將佢放落放題嘅，我諗呢到先有。火焰就係靠玫瑰露酒，未點火就聞到果陣香濃玫瑰味，點火後咋咋聲，牛味大爆發。牛味香濃，充滿油香味，肉質鮮嫩。醬汁唔咸，唔會同牛味打交，味道平均。懷舊沙嗲鍋沙嗲味香濃，帶有微辣感，適合瘋狂食牛。安格斯牛套餐牛嘅選擇有安格斯牛板腱、封門柳、美國牛胸腹同本地鮮滑牛。雖然選擇未算多，但勝咗牛質素有保證，肉味濃郁，食落有層次。食夠牛都有其他肉類擇，鮮雞片、紐西蘭羊卷肉、西班牙黑梅肉全部都好有質素，肉質嫩滑。黃沙豬膶，沙爆豬皮都係必嗌！豬膶食落真係有細沙質感，清脆嫩滑，唔會好粉好散。豬皮更加係吸汁恩物，吸曬香濃嘅沙嗲湯。海鮮都好新鮮。菜類同丸類種類都多，可以自己慢慢揀。清熱飲路細細枝，唔怕太大枝飲唔曬嘥咗。