猛男廚房

营业中

休息中

既然放工時間好似打仗走難咁迫返屋企，到頭來都係買個雙餸飯，倒不如嚟香工(雖然唔係香宮，但係呢度唔一個月前訂位、冇dress code、款式多) 晚飯時間唔多人，靜靜哋，有Wi-Fi，乾淨企理坐得舒服。呢度嗰主廚真係幾靚仔，雖然有啲cool。主打西洋速食。呢個cheese Burger 肉嫩多汁 外脆內軟 汁醬調校得剛剛好，好多生菜，賣相擺碟都有水準。薯條夠晒香口。都幾抵食。我覺得呢個 腐魚Carbonara 充滿 創意+驚喜+回甘+滿足。好明顯係猛男大廚嘅得意之作。可以喺濃味嘅腐乳、香滑嘅蛋香 同埋parmesan 中間攞到個平衡。啲人話夏威夷pizza 會令到意大利人反白眼，呢個腐乳 Carbonara 可能會令到佢 刮目相看。就算未必用上正宗嘅Pancetta，都一定唔會係一般餐廳用嘅bacon。