銅鑼灣分店仲要有榻榻米座位，幾有feel🤭不過要除鞋🙌🏻
✨士多啤梨麻糬梳乎厘🍓
嚟到呢度必嗌梳乎厘!!!!!!!!!!🥞
掙扎咗好耐嗌邊款(因為好飽)🤣最後俾麻糬吸引咗!
個梳乎厘入口即溶，空氣感十足又充滿蛋香!
塊麻糬皮就唔使講啦! 底下有啲士多啤梨cream!
加埋一齊好似食緊士多啤梨大福咁🤭
另外仲有士多啤梨醬同埋雲呢拿雪糕可以配搭嚟食🍨
下次一定要試埋抹茶味🍵
✨煙三文魚班尼迪克蛋班戟🥞
望落唔好以為佢兩件班戟份量唔多，其實勁足料!
三文魚大大塊! 一啖將三文魚蛋班戟放晒入口!
真係唔錯! 而且未食到一半已經開始飽飽哋🤣
✨芝士漢堡班戟配薯角🍔
想講發現班戟真係配咩都好食😂
原來呢度都有班戟漢堡🤭仲配埋薯角添!
真係唔好淨係睇個份量好似唔大!
但係食落之後又係覺得真係會食唔晒!
✨日式炒麵炒飯🥄
完全係炒麵嘅味道，但係變咗炒飯🤣
隻蛋係燶邊蛋🍳炒飯入口仲帶點焦香! 少少飯焦feel!
呢個反而份量唔算多，但係就啱啱好可以嗌埋甜品啦🤣
✨奶油粟米濃湯蕎麥麵🌽
前排咪風靡粟米湯!!! 原來呢度有個粟米濃湯蕎麥麵!
入口完全真係粟米濃湯🌽蕎麥麵仲要掛湯!
兩者配合得幾好! (好想知會唔會有烏冬版🤣應該都好吸引
另外午市套餐仲可以配小食! 今次加咗炸薯條🍟
份量合理，如果驚唔夠食都可以加埋小食😂
而且嘢飲都包埋(連朱古力都有拉花!)
加埋實夠飽! (不過建議留肚嗌梳乎厘!!! 🥞)
