PHI Coffee & Pancake (屯門市廣場1期)

营业中

休息中

早幾日帶小朋友去屯門公園玩，就喺附近嘅屯門市廣場食嘢。「雜莓三重奏疏乎厘」都幾大份，🈶️3大塊。配上甜忌廉及酸酸甜甜嘅雜莓及果醬，香甜而不膩😋疏乎厘pancake空氣感重，好鬆軟。小朋友食曬d士多啤梨再加1塊半pancake🥞認真識食🤣 「經典法式多士」烘過嘅多士，配上甜忌廉，再加埋少少糖醬。完全滿足到鍾意食甜品嘅胃😋 「提拉米蘇咖啡☕️ 」造型好吸引😍半杯厚厚嘅忌廉，鍾意飲凍咖啡加好多忌廉嘅一定要試🤣🤣 「檸檬特飲 」顏色好吸引，係橙紅色嘅檸檬梳打入面加入百香果，味道清爽。 「卡邦尼煙肉意粉」醬汁creamy，將半熟蛋拌勻之後，每條意粉都能夠掛上醬汁。