利苑酒家 (國際金融中心商場)

营业中

休息中

午市一定要訂枱，否則無位既機會居多！我非常喜愛這裡的白粥＋欖菜，白粥綿軟稠密，欖菜大條有口感至於師傅仲自己炒過，鹹度剛剛好，好味！舊年大閘蟹時節試過蟹粉小籠包，呢篇一併講埋：價錢真的貴，不過好食，可以食到係鮮拆蟹粉，湯汁濃厚豐裕，正式皮薄餡靚！但係三十幾蚊一粒...呢度既蝦餃，菜苗餃都好有水準～鮑汁燜鳳爪亦都好好味，而且燜到適度既腍，隻隻鳳爪都好大隻完整～仲試左隻蒜茸蒸桂花蚌，好鮮甜爽口，而且賣相唔錯；燒汁銀鱈魚同金菇菜既配搭唔錯，味道夾而且互補左口感既問題～