農

营业中

休息中

二訪科學園呢間中菜,因為上次都覺得呢間啲嘢食都真係唔差～今次因為朋友有開心事所以要食餐好嘅！🤣 真係一枱都係好豐富㗎😂冷盤兩樣-檸檬鳳爪、酒香牛舌, 都好清新開胃！乳鴿基本上係必食(二人上就會送）但都唔欺場, 新鮮爆汁香口～ 因為突然間好想食燒鵝所以就叫咗, 一上菜就知真係冇後悔, 靚仔到！仲要讚下個湯, 用砂壺上keep到熱, 好香椰子味嘅雞湯, 甜！因為上次試咗佢啲公仔點心今次就只係試咗個土炮雪茄, 原來係蝦春卷但扮得幾似雪茄🤣 味道都好唔錯～值得encore嘅係佢嘅水果粟！類似避風塘做法好香口但係條粟米又好甜, 每一下我都係度咇晒啲汁出嚟🙃 避風塘軟殼蟹對我就有啲太辣見到個菠蘿炒飯又係會為咗打卡想試埋佢😂 火焰住咁上場都咪話唔威最後都不忘食甜品-個貓山王榴槤布甸造型精緻～流心綠茶芝麻球都真係有流心🤣又係食到捧住肚走滿足嘅一餐😀