影片
更多
2023-01-26
87 浏览
而家科學園越來越多餐廳，尼間係除咗酒樓以外，都幾唔錯嘅中菜！餐廳以farm to the table 為宗旨，食材本地或外地農場新鮮直送，夠晒新鮮！😄 而且環境都好舒服，位於湖邊，假日嘅時候好多人帶狗黎☺️⭐️小食 - 檸檬鳳爪 酒香牛舌👉🏽無骨鳳爪啖啖肉，酸酸地，好開胃👉🏽牛舌入口軟腍，唔係爽口嗰種，有淡淡酒香⭐️點心 - 牛油果春卷呢個組合好特別，春卷炸得香脆，中間嘅牛油果唔會令到春卷變淋，掌握得好好⭐️ 燒味 - 乳鴿 燒鵝👉🏽乳鴿好juicy，外脆內嫩，味道香濃，原因係加左廖孖記嘅腐乳同十多種本地藥材來熬成，齒甲留香，必食之選🥰👉🏽燒鵝亦都唔輸蝕，皮薄，亦都脆口，火候掌握得啱啱好，肉質結實，鵝味濃，而且例牌都好大份！⭐️ 燉湯 - 肉骨茶入口甘甜，好香藥材味，放咗喺茶壺入邊，用茶杯飲用，幾過癮😂⭐ 小菜 - 避風塘軟殼蟹呢個又係抵食自選，大大份，一碟都有成四五件軟殼蟹🦀 加埋爆蒜，食落好香口⭐️ 蔬菜 - 三蝦豆苗所謂三蝦，分別係櫻花蝦、蝦米、蝦乾，所以令豆苗更加香，口感亦都更加豐富⭐️ 主食 - 烈焰菠蘿炒飯一上台侍應會點火，好吸晴，果然注重色香味俱全！廚師將菠蘿起肉再切粒再以蛋白、菜心粒
而家科學園越來越多餐廳，尼間係除咗酒樓以外，都幾唔錯嘅中菜！餐廳以farm to the table 為宗旨，食材本地或外地農場新鮮直送，夠晒新鮮！😄 而且環境都好舒服，位於湖邊，假日嘅時候好多人帶狗黎☺️
⭐️小食 - 檸檬鳳爪 酒香牛舌
👉🏽無骨鳳爪啖啖肉，酸酸地，好開胃
👉🏽牛舌入口軟腍，唔係爽口嗰種，有淡淡酒香
⭐️點心 - 牛油果春卷
呢個組合好特別，春卷炸得香脆，中間嘅牛油果唔會令到春卷變淋，掌握得好好
⭐️ 燒味 - 乳鴿 燒鵝
👉🏽乳鴿好juicy，外脆內嫩，味道香濃，原因係加左廖孖記嘅腐乳同十多種本地藥材來熬成，齒甲留香，必食之選🥰
👉🏽燒鵝亦都唔輸蝕，皮薄，亦都脆口，火候掌握得啱啱好，肉質結實，鵝味濃，而且例牌都好大份！
⭐️ 燉湯 - 肉骨茶
入口甘甜，好香藥材味，放咗喺茶壺入邊，用茶杯飲用，幾過癮😂
⭐ 小菜 - 避風塘軟殼蟹
呢個又係抵食自選，大大份，一碟都有成四五件軟殼蟹🦀 加埋爆蒜，食落好香口
⭐️ 蔬菜 - 三蝦豆苗
所謂三蝦，分別係櫻花蝦、蝦米、蝦乾，所以令豆苗更加香，口感亦都更加豐富
⭐️ 主食 - 烈焰菠蘿炒飯
一上台侍應會點火，好吸晴，果然注重色香味俱全！廚師將菠蘿起肉再切粒再以蛋白、菜心粒、乾瑤柱絲炒，有穫氣之餘亦都食到淡淡菠蘿清香。
⭐️ 甜品 - 貓山王榴槤 牛榛仔
👉🏽 貓山王榴槤賣相勁可愛🥰🥰成個樣就係切半嘅原個榴槤。布甸重榴槤味，細細地好精緻
👉🏽 牛榛仔完全冇諗過原來係朱古力流心嘅包，入面啲朱古力醬就澭晒出嚟，好澎湃😂
张贴
