影片
更多
2023-05-17
83 浏览
農 Farm Restaurant 📍沙田白石角香港科學園第二期科技大道西10號浚湖樓地下S041A號舖上半部份分享咗小食、燒味同飲品，下半部份就同大家分享下主菜、造型可愛嘅特色料理同甜品啦！ 💰$48拔絲啤梨 🧀🍐我哋叫咗呢款無咁飽肚嘅點心，主要都係因為佢嘅造型好可愛，令人好好奇到底係咩味㗎呢。雖然係成個啤梨咁嘅樣，但原來一啲梨味都無，口感同鹹水角一樣，煙煙韌韌幾好味。裏面係芝士餡，趁熱食嘅話佢可以拉絲添！我覺得最有趣係佢用朱古力百力滋整嘅椗，因為個梨炸到熱辣辣，將朱古力熱溶咗，所以食嘅時候會好似食到朱古力味嘅鹹水角咁，幾新穎。 💰$108避風塘炒軟殼蟹 🦀 今餐我最愛嘅應該係呢碟避風塘炒軟殼蟹，蒜味勁香，同一般嘅炒蟹比較，用軟殼蟹更適合懶人，唔洗剝殼整到成手汁，食落蟹肉啖啖肉，真係不得不讚下廚師嘅心思！重點係佢嘅軟殼蟹有用油炸過，加埋蒜粒一齊食，勁香口，如果有多一兩件會更好！ 💰$68求其芥蘭 🥬睇菜名似乎會覺得餐廳好求其，求其到連名都廢事改，我哋呢啲愛試新嘢(試伏)嘅人又點可能唔叫返碟嚟睇下佢有咩花臣呀。一上檯，我哋對望咗一下，唔係掛，洗唔洗咁有心機呀？每條芥蘭都𠝹咗花，咬落條條
📍沙田白石角香港科學園第二期科技大道西10號浚湖樓地下S041A號舖
上半部份分享咗小食、燒味同飲品，下半部份就同大家分享下主菜、造型可愛嘅特色料理同甜品啦！
[價錢 Price]
💰$48
拔絲啤梨 🧀🍐
我哋叫咗呢款無咁飽肚嘅點心，主要都係因為佢嘅造型好可愛，令人好好奇到底係咩味㗎呢。雖然係成個啤梨咁嘅樣，但原來一啲梨味都無，口感同鹹水角一樣，煙煙韌韌幾好味。裏面係芝士餡，趁熱食嘅話佢可以拉絲添！我覺得最有趣係佢用朱古力百力滋整嘅椗，因為個梨炸到熱辣辣，將朱古力熱溶咗，所以食嘅時候會好似食到朱古力味嘅鹹水角咁，幾新穎。
[價錢 Price]
💰$108
避風塘炒軟殼蟹 🦀
今餐我最愛嘅應該係呢碟避風塘炒軟殼蟹，蒜味勁香，同一般嘅炒蟹比較，用軟殼蟹更適合懶人，唔洗剝殼整到成手汁，食落蟹肉啖啖肉，真係不得不讚下廚師嘅心思！重點係佢嘅軟殼蟹有用油炸過，加埋蒜粒一齊食，勁香口，如果有多一兩件會更好！
[價錢 Price]
💰$68
求其芥蘭 🥬
睇菜名似乎會覺得餐廳好求其，求其到連名都廢事改，我哋呢啲愛試新嘢(試伏)嘅人又點可能唔叫返碟嚟睇下佢有咩花臣呀。一上檯，我哋對望咗一下，唔係掛，洗唔洗咁有心機呀？每條芥蘭都𠝹咗花，咬落條條爽口，一啲菜嘅澀味都無，真係好「求其」、好「hea」呀！
[價錢 Price]
💰$78
肉骨茶 🍲
未入餐廳前，我已經見到喺店外掛住一個個湯包俾人買返去整嚟飲，而肉骨茶就係其中一款啦。呢度嘅肉骨茶非常特別，佢係用個茶壺裝住，連同茶杯一齊上檯，真係聞所未聞，見所未見，又係一道有得玩有得食嘅菜式。佢嘅湯底顏色偏深，藥材味唔會太搶戲，不過無留意有無肉同湯渣。我哋好欣賞佢用茶壺裝住，因為可以保溫，想飲嘅時候先倒落茶杯，咁就唔怕啲湯凍咗唔好飲，好聰明！
[價錢 Price]
💰$128
烈焰菠蘿炒飯 🔥🍍
食泰菜成日都會食菠蘿炒飯，中菜食呢味，你又試過未？我哋叫嘅呢個仲會著火添㗎，係咪好堅呢？雖然橫睇掂睇都同泰式菠蘿炒飯好似，但呢個飯嘅飯底係瑤柱蛋白炒飯嚟，食食下仲會咬到菠蘿肉，真係好新潮。呢個炒飯用咗原個菠蘿上檯，飯量足足可以裝到5碗幾飯，仲可以打卡，真係好抵食。
[價錢 Price]
💰$49
牛榛仔 🐮
嚟到尾聲，今到太陽都落山啦，朋友叫咗呢個牛牛造型嘅流心榛子朱古力包做收尾。牛牛做得好似，包身軟熟，一搣開仲真係有朱古力流出嚟，宣傳圖片絕對唔係只供參考！
[價錢 Price]
💰$42
貓山榴槤 🍮
而我就被呢款榴槤甜品吸引咗，叫咗一個嚟試下。本來我以為佢做得咁真，會有好香濃嘅榴槤味，同埋以為係榴槤濕包或Mousse嘅口感，點知原來口感同芒果布甸一樣，榴槤味亦無我期望中咁濃烈，相信未去到討厭榴槤嘅人都可以一試，佢嘅榴槤味唔重，我位唔食榴槤嘅朋友接受得到，仲食咗半個添！
张贴
