影片
更多
2023-05-16
88 浏览
農 Farm Restaurant 📍沙田白石角香港科學園第二期科技大道西10號浚湖樓地下S041A號舖朋友家住科學園附近，每次入親去搵佢都要喺沙田買外賣入去食，所以我一直覺得佢屋企附近無咩好餐廳食，估唔到原來科學園裏面有間咁高質嘅餐廳，每樣菜式都睇得出廚師嘅心機同餐廳嘅用心！食過呢次已經諗定下次帶埋愛食中菜嘅屋企人入嚟食，雖然地段唔算太方便，價錢亦唔係親民街坊價，但綜合食物質素、味道、環境同服務質素，呢度值得拎5粒星同埋再訪！由於我哋叫得太多嘢食，所以今次會分開兩個post介紹，先嚟介紹下啲冷盤同燒味先！ 💰$48口水彈蛋 🥚 我哋叫咗兩款小食，第一款係口水彈蛋，一杯入面有10-12粒蛋，每粒都係半透明狀，同一般食川菜小食尖椒皮蛋嘅味道差不多，但特別在佢係用鵪鶉蛋去整，口感非常彈牙，蛋黃味夠香，唔會有皮蛋嗰種臭味，口水汁亦唔會過辣，十分醒胃。 💰$48花雕雞卷 🐓第二款小食係花雕雞卷，花雕酒味濃淡適中，雞肉無骨啖啖肉，每件雞卷都有一層薄薄嘅雞皮包住，食落雞皮爽彈唔油膩，推介俾食雞唔鍾意食皮或怕食中式雞件有骨嘅朋友一試！ 💰$238火雲叉燒 🔥🐖叉燒用咗伊比利亞豬整成，肥瘦參半，食落無
📍沙田白石角香港科學園第二期科技大道西10號浚湖樓地下S041A號舖
朋友家住科學園附近，每次入親去搵佢都要喺沙田買外賣入去食，所以我一直覺得佢屋企附近無咩好餐廳食，估唔到原來科學園裏面有間咁高質嘅餐廳，每樣菜式都睇得出廚師嘅心機同餐廳嘅用心！食過呢次已經諗定下次帶埋愛食中菜嘅屋企人入嚟食，雖然地段唔算太方便，價錢亦唔係親民街坊價，但綜合食物質素、味道、環境同服務質素，呢度值得拎5粒星同埋再訪！
由於我哋叫得太多嘢食，所以今次會分開兩個post介紹，先嚟介紹下啲冷盤同燒味先！
[價錢 Price]
💰$48
口水彈蛋 🥚
我哋叫咗兩款小食，第一款係口水彈蛋，一杯入面有10-12粒蛋，每粒都係半透明狀，同一般食川菜小食尖椒皮蛋嘅味道差不多，但特別在佢係用鵪鶉蛋去整，口感非常彈牙，蛋黃味夠香，唔會有皮蛋嗰種臭味，口水汁亦唔會過辣，十分醒胃。
[價錢 Price]
💰$48
花雕雞卷 🐓
第二款小食係花雕雞卷，花雕酒味濃淡適中，雞肉無骨啖啖肉，每件雞卷都有一層薄薄嘅雞皮包住，食落雞皮爽彈唔油膩，推介俾食雞唔鍾意食皮或怕食中式雞件有骨嘅朋友一試！
[價錢 Price]
💰$238
火雲叉燒 🔥🐖
叉燒用咗伊比利亞豬整成，肥瘦參半，食落無筋唔韌，食得出係靚豬肉！每塊叉燒都切得好平均，唔會一嚿大一嚿細，有啲位仲有燶邊，聞落特別香。而且上檯時，侍應姐姐會用火槍點火，除咗視覺效果上好加分外，亦令碟叉燒食到最尾時都唔會凍晒，係一大加分位！而且佢仲有一個用古代酒杯造型嘅容器裝住啲醬汁，客人可以按個人喜好淋汁上叉燒度，真係睇得、玩得、又食得！
[價錢 Price]
💰$68
爆汁乳鴿 🕊️
乳鴿似乎係呢間餐廳嘅招牌菜，睇食評見食過嘅都讚好。餐廳有提供即棄手套，方便客人用手直接拎起乳鴿嚟食。鴿身一分為二，我同朋友一人一邊，一咬啲汁就即刻流出嚟。雖然佢比起外面嘅乳鴿貴足足一倍有多，但佢塊鴿皮真係燒得好香脆，鴿肉無羶味，煮得恰到好處唔會過老，絕對唔係只得個樣！
[價錢 Price]
💰$28
桂花烏龍 🌼🫖
雖然坐低已經有熱玄米茶飲，但心多多嘅我哋都揀咗兩款冷泡茶試下。我揀嘅係桂花烏龍，烏龍唔算好濃，桂花味好清香，非常解膩。
[價錢 Price]
💰$28
瑰麗堂皇 🌹🫖
朋友出乎我意料之外揀咗玫瑰花茶飲，顏色比我揀嘅烏龍深，玫瑰花味清香撲鼻，比我想像中好飲。呢兩款冷泡茶同一般食放題或火鍋飲到嘅唔同，每樽都有一個獨立茶包，所以味道偏濃，唔會淡茂茂。
张贴
