朋友中話呢度出咗"菊花太史蛇宴", 好啱秋冬天氣進補
第一次嚟The One 潮 . 囍薈, 咁啱果晚有人擺囍宴, 但原來個場都好大, 仲有另一偏廳比我地食晚飯
我地晚飯嘅偏廳夠大夠寬敞
蛇宴有半席 (6位) 或 12位用的
套餐內容都好豐富, 好多都係呢個季節嘅食材
先來江南五小碟, 都是冷盤來的
胡麻雞絲粉皮、滕椒魚皮、陳醋雲耳、拍青瓜和宮廷蘿蔔
雖然是前菜, 但都做得精心仔細, 好似拍青瓜咁, 都有很多碎蒜, 調味都好恰當
雞絲粉皮都好足料; 宮廷蘿蔔夠爽脆又開胃; 魚皮少麻少辣非常惹味
熱食先來
古法雙冬羊腩煲已經無食羊很久, 因為最後一次吃過非常羶的味道而帶上陰影
直至今晚, 幾位友人吃過後都話唔羶, 我先再拿出勇氣
濃濃嘅柱侯醬、南乳醬, 非常香, 如果用汁送白飯, 我想我可以食一碗
羊肉真係唔羶, 肉質淋得嚟又有咬口, 羊皮乾淨帶點煙韌
「雙冬」是冬菇和冬荀, 仲加埋超入味的腐竹
羊腩煲再次又令我愛上
主角出場啦: 菊花太史蛇羹
呢個又係唔羶唔腥，因為入邊加咗幾多薑絲
未食都見到好多料
有薄脆、菊花瓣同埋檸檬葉（辟腥及提升清新感）
超多肉絲，味道又不會過咸過啖又不腥
食完真係好暖身
仲有一大碟豉汁蒸白鱔
勁大碟，好夠味，白鱔彈牙肥美，會想追住吃多幾件，每人各食幾件啱啱好，多食就會膩
脆皮燒鵝皇都是重頭戲
原隻大大隻，表皮酥脆油亮，仲配埋大量蠔油黃豆
肉質鮮嫩多汁，不會乾柴，富有鵝油香
食蛇羹通常都會配埋暖胃嘅糯米飯，先夠滿足
多蔥多花生又多料嘅軟糯炒糯米飯，無人能抗拒
最後配埋好多豆蓉嘅陳皮紅豆沙作結尾
紅豆沙微甜，啱哂香港人口味
而且加了蓮子百合，更有趙口
很多上一輩的人都會起秋冬約埋食蛇宴，有美食又可以同啲老友聚聚，嚟緊我都會帶家人嚟補身
