富軒

营业中

休息中

酒樓晚市有小菜，我哋見到有私房菜套餐，唔使諗幾好。揀咗$498一位，相當豐富，而且菜式都相當滿足到我。▶️麻香海蜇每一位嘅份量都相當多，海蜇夠爽口，少少辣好好食😋▶️冰鎮8頭南非鮑魚鮑魚都幾大隻，夠凍，味道清清地▶️松露卡邦尼焗開邊龍蝦🦞份量每人有半隻，面上有好多卡邦尼醬，松露少少香，龍蝦肉尚算爽口▶️京燒原條刺參肉掌京燒味道有少少似沙嗲汁，原條海參幾爽口。肉掌夠入味▶️紅燒金湯鮑翅2両湯底夠味，而且翅份量多，幾好味😋▶️鮮蟹肉扒翡翠白菜仔夠新鮮，而且有蟹肉加埋味道更好▶️荷香珍珠雞新鮮蒸出嚟，熱辣辣，食完已經非常飽▶️是日糖水改為紅豆沙、綠豆沙。每樣叫咗一個，甜甜地幾好食