小店食物選擇都幾多，串燒蔬菜類就試左冬菇，蒜蓉牛油金菇，燒五香豆卜。肉類揀左孜然雞翼，山椒豬頸肉，極尚鹽燒牛舌，燒蜜糖芝士腸，台灣腸。仲叫左原條魷魚🦑👍同埋雞軟骨餃子同單骨雞翼。
串燒燒到串串金黃色好吸引🤤🤤
鹽燒牛舌厚度適中，有濃郁既牛味又吾會韌。蜜糖芝士腸外脆內軟。花枝丸入面真係有花枝粒，鮮味。雞皮香脆唔油又卜卜脆。燒雞翼皮外脆內軟。山椒豬頸肉，燒到金黃色微脆，醃料仲好好味😍
燒原條大魷魚
推介一定要叫，非常好吃，切成條狀易入口，煙韌又鮮味。
蒜蓉牛油焗金菇
燒得好入味，好香既蒜蓉同牛油味，上面有小焦香。香菇燒到帶出菇香，又無燒焦同太乾👍
如果肚餓可以加碗肉燥飯，價錢實惠而且好味。小食應該係即叫即整既，熱辣辣👍總括黎講，好有驚喜，串燒出色而且吾係只有孜然味，食得到既用心製作😍😍一定會再回頭幫襯
