晶百合餐廳

九龍城呢間茶記外表嘅小店，入面竟然有師傅即場整手工拉麵＋餃子，仲主打海南雞飯，完全係隱世好店！

🍜 酥炸豬扒擔擔拉麵 $67
每日自家製手打麵，煙韌彈牙又掛湯
花生湯底濃郁帶微辣，仲有肉碎增添香氣
豬扒厚身炸得脆口，唔會油膩

🐔 無骨海南雞飯 $79
用清遠走地雞，皮薄肉嫩仲帶啫喱感
油飯粒粒分明，黃薑味突出
配齊三款醬汁（蔥油、辣椒、豉油），每啖更有層次

🥟 白菜豬肉煎餃 $47
即包現煎，皮薄餡靚
煎到金黃香脆，一咬爆汁

🍪 豆沙煎餅 $26
即叫即煎，外皮香脆
紅豆餡綿密香甜，帶陳皮清香

環境比一般茶記新淨舒適，卡位闊落，冷氣勁到唔焗促 👍
真材實料＋師傅手工，好值得一試！