黎到既時候仲有一個鐘先開波，所以就食左晚餐先。
1
咁岩撞正Happy Hour +$1有得refill多一杯，覺得都幾抵，所以叫左杯小王子，同朋友一人share一杯。顔色好靚，但係飲落好似汽水，完全無酒味。
芝士寬條麵配鮮三文魚 - 芝士味道濃郁，又唔會好溜。三文魚都有幾多，而且都幾大塊，同個醬汁味道都幾夾。
四式芝士Pizza - 正正常常普普通通，芝士味道都算濃郁，個薄餅都脆既。
開波喇！所以就叫多左個熔岩芝士薯條及脆煙肉，哈哈成餐都有芝士。粗薯真係好正， 脆煙肉係切到一粒粒融入係d芝士度，所以每一啖都會食到曬晒3樣野。
另外仲叫多左杯tequila sunrise，普普通通，哈哈呢度都係食野好d。
總括而言，d食物都ok，而且又有HMV d歌聽，最正係有個咁大既mon睇世界盃！睇黎呢個6月同7月都可以成日黎了。
1
