#大蟶子+煎米底 （$144+$60）
大蟶子$48/隻，最少要叫2隻，伙記姐姐見我哋3人，提議叫3隻，再加$60配煎米粉底. 蟶子真係好大隻，新鮮嫩滑，豉椒汁炒. 最驚喜是煎米粉底，米粉煎到好香口，薄薄一底，完全不油膩，非常讚賞👍.
#蝦膠韮菜餅 $88
圓轆轆的韭菜餅，煎到好香口，蝦膠把韮菜粒包裹住，不油膩，有驚喜.
#冰梅欖角骨 $88
伙記姐姐話，唔好成日淨係識叫咕嚕肉，要試吓冰梅欖角骨. 是炒肉排，醬汁由蒜頭，欖角，蜜糖混合， 非常有鑊起，配啤酒，汽水一流，真係無介紹錯😋.
#秘制梅菜肉鬆蒸菜心 $88
菜心及梅菜肉鬆份量好多，但菜心略嫌有啲老，我諗非戰之罪，始終菜心不是夏季的時令蔬菜.
#椰皇燉奶 $38
差不多食完後，有姐姐推住車仔出嚟，有椰皇燉奶及芒果布甸. 由於實在飽飽，我哋只係叫了一個椰皇燉奶，不甜，有椰皇及奶香味，做得好有水準.
1
1
