歡樂大排檔

【深水埗區】【歡樂大排檔】經過長沙灣先發現之前同家慈食過嘅天然居茶樓已經被佢殯咗，而家變咗呢間「歡樂大排檔」，就約亞媽嚟呢度食下午茶。去到先知，喂咪又係飲茶食點心，玩嘢咩，換湯不換藥。坐低就剁咗我 $16 係兩位「茶位費」，就梗係要叫返壺「壽眉」嚟飲吓先啦。特價 $9.8 嘅「山竹牛肉球」又幾抵，味道正常都有平呢個優點啦。跟住到 $36.8 嘅「蟹籽燒賣王」，都係正正常常酒樓燒賣，冇期望亦都冇失望。反而之後 $19.8 嘅「時菜鯪魚球」又唔錯喎，唔係求其整出嚟嗰啲，好香鯪魚味，算係咁多碟裏面嘅小確幸。再食 $19.8 嘅「醬皇蒸鳳爪」，夠熱又夠濃味，慢慢吮都幾正，果然係廣式酒樓經典菜式。食埋 $22.8 嘅「煎釀虎皮椒」，係中間啲鯪魚肉好食，提昇咗成件事。埋單 $115，原來冇收到鳳爪錢，做飲食嘅員工都好慘，呢啲咁細嘅錯誤我就無謂挑佢出嚟喇。。。（地址：長沙灣元州街290-296號西岸國際大廈3樓）#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foodies #tasty #globaleats #tastyfood #foodpics #followforfollowback #love #eat #1am深水埗區 #長沙灣 #歡樂大排檔 #壽眉 #山竹牛肉球 #蟹籽燒賣王 #時菜鯪魚球 #醬皇蒸鳳爪 #煎釀虎皮椒 #1am1782 #1ambackup…查看更多

今次嚟到長沙灣呢間以懷舊風做主調嘅室內大排檔，裝修充滿舊香港情懷，環境乾淨得嚟又保留大排檔熱鬧氣氛，仲有廂房適合各類聚會！總評分：8/10_-_-_-_-_-_-_-_-_-_-_-_-_-_-_-_-_-_-_-_-_-_-_-_-_-_-🐔 白切雞 $208 ★★★★★👉🏻 雞肉嫩滑得來帶有濃郁雞味，原汁原味💬 連最怕嘅雞胸部位都保持濕潤唔柴。蘸上秘製蔥油醬，鮮味瞬間爆發，絕對係近年食過最驚艷的白切雞！🥬 秘製梅菜肉鬆蒸菜心 $118 ★★★★★👉🏻 結合梅菜嘅鹹香同菜心嘅清甜💬 唔食菜心嘅人都忍不住食多幾條，味道配搭絕妙！🦑 椒鹽鮮魷 $138 ★★★★☆👉🏻 炸至金黃色，外脆內嫩💬 椒鹽香味突出，帶微辣口感🐟 大龍躉炒球 (西芹炒) $198 ★★★★☆👉🏻 龍躉球份量多，魚肉鮮嫩彈牙，西芹脆口💬 火候十足，重鑊氣風味，值得一試🍍 鳳梨生炒骨 $138 ★★★★☆👉🏻 排骨外脆內軟，酸甜鳳梨完美平衡油膩感💬 調味醬汁濃郁，非常開胃！🥢 招牌豉油王炒麵 $108 ★★★★☆👉🏻 炒麵色澤金黃，麵條滑順，豉油香濃💬 配搭芽菜令口感更豐富，鑊氣十足嘅經典味道懷舊裝修保留大排檔風味，食物種類超級多，價錢合理，完美演繹「平民價錢、高手水準」！除左開放式大廳，仲兼備廂房，適合想感受熱鬧氣氛或者私人聚會嘅朋友。🍽 歡樂大排檔📍 地址：長沙灣元州街290-296號西岸國際大廈3樓…查看更多

朋友推介此餐廳食港式大排檔🤗乳豬三併盤（乳豬,叉燒＆燒腩仔）$248~ 三款燒味各有特式,每一款都好味道, 必須配白米飯🍚一起食.歡樂孖寶G （半斤豉油王大中蝦+半隻一品燒雞🐔) $268~ 豉油王中蝦🦐咸香炸得脆脆（普普通通）~ 一品燒雞🐔外皮炸得脆脆雞肉又汁又嫩滑😋😋太極鴛鴦飯 $118 ~ 超級大盤的鴛鴦飯,充滿兒時的回憶. 賣相極靚一半是蕃茄🍅🧅洋蔥肉絲+一半蛋白蝦仁（炒飯底）.冰梅欖角骨 $88 ~ 小小欖菜味炸得脆脆甜甜地半肥瘦排骨😋不過少少油😅潮州普寧脆豆腐 $68 ~ 少少豆腐香味, 炸得脆脆又不油膩.招牌豉油王炒麵 $78 ~ 豉油味香麵炒得乾身, 味道可以.家鄉海鮮雜菜煲🥦🥬 $108 ~ 份量超多, 選了幾款香脆肉類所以特別選了這個多款菜類又比較清淡. 而且,沒有太多油👍🏻🍻青島啤酒枝裝 $28🍺$10/人 （茶位費~大小同價）總結,5大人2小朋友大約食了1000蚊左右.超級抵食. 這餐廳適合一大班朋友或家人一起食飯. 人多可以食多幾款菜式😋 環境衛生乾淨,菜式有鑊氣之外, 冷氣又充足.不過, 每張檯的距離比較近所以總體環境與正常酒樓相比會嘈少少（氣氛熱鬧）.…查看更多

朋友成日推介歡樂，話又抵又好食. 今日3個老朋友終於得閒聚一聚. 食店光猛，乾淨，裝修有特色. 伙記有禮貌，推介的餸菜非常啱口味，仲要無加一，是一間絕對可以encore的食店😙. #大蟶子+煎米底 （$144+$60）大蟶子$48/隻，最少要叫2隻，伙記姐姐見我哋3人，提議叫3隻，再加$60配煎米粉底. 蟶子真係好大隻，新鮮嫩滑，豉椒汁炒. 最驚喜是煎米粉底，米粉煎到好香口，薄薄一底，完全不油膩，非常讚賞👍.#蝦膠韮菜餅 $88 圓轆轆的韭菜餅，煎到好香口，蝦膠把韮菜粒包裹住，不油膩，有驚喜.#冰梅欖角骨 $88伙記姐姐話，唔好成日淨係識叫咕嚕肉，要試吓冰梅欖角骨. 是炒肉排，醬汁由蒜頭，欖角，蜜糖混合， 非常有鑊起，配啤酒，汽水一流，真係無介紹錯😋.#秘制梅菜肉鬆蒸菜心 $88菜心及梅菜肉鬆份量好多，但菜心略嫌有啲老，我諗非戰之罪，始終菜心不是夏季的時令蔬菜.#椰皇燉奶 $38差不多食完後，有姐姐推住車仔出嚟，有椰皇燉奶及芒果布甸. 由於實在飽飽，我哋只係叫了一個椰皇燉奶，不甜，有椰皇及奶香味，做得好有水準.…查看更多

由中學時代已經常常跟爸媽去嘅酒樓，一家人幾乎每星期日去飲茶，有時晚飯都會去嗰度食，過時過節更加唔駛講。不過前身唔係叫歡樂大排檔係叫天然居海鮮酒家，雖然而家已經改咗名不過依然見到有啲舊嘅職員響度做。裝修已經完全唔同，好有大排檔氣氛，房間嘅擺設做好有特色。而家因為搬咗所以已經冇再同屋企人嚟呢度食，不過因為中學時期都係附近讀書，成為咗我哋聚會嘅飯堂。啱啱中學同學又有聚會，今次當然又有叫我最鍾意食嘅沙薑豬手👍，另外推介小棠菜墨魚鍋貼，炸粉唔會好多，墨魚好厚身，入面仲有小棠菜，好有口感。另外叫咗個好懷舊特色嘅小菜砵仔雞蛋焗魚腸，呢款菜唔係度度都有想食返兒時嘅回憶都唔係咁易，不過正值呢度就係有😋。…查看更多

同細佬妹嘅做節飯，因為種種原因，一拖再拖，結果總算都約得成。而晌深水埗、長沙灣一帶（就佢哋方便），搵到一處「大排檔」大家都想試。上到嚟個場都幾特別，地方幾大，裝修又唔叫得扮懷舊，但有啲傳統嘅裝飾，尤其放晌餐廳尾嘅「大牌坊」，絕對喺打卡位。此外，仲有幾個大大細細唔同嘅廂房，不過，個個房有客就唔方便影相。餐牌有別啲大酒家，製作都好簡單吓，都喺A4紙加彩色打印過落啲透明膠板度。順便一提，茶錢收$10位，酸菜就$10一碟。不過，有一點好奇怪，明明睇見佢收費表有列明需收加一服務費，但最後張單又唔見佢有收喎！陳皮燒鵝皇 $178我哋得4個人，嗌1/4隻都好夠食，外皮色澤閃爧，咬落香脆可口，而皮下脂肪唔多，但食落淡淡脂香，感覺不油膩，啲鵝肉就非常之嫩滑，唔點冰梅醬，就咁食都已經非常好食。鳳梨生炒骨 $138呢一個喺指定菜式，次次同細佬妹食飯都一定嗌呢一款經典小炒。老實講，個生炒骨真喺炒得幾靚仔，個茨汁唔會話太多，剛好包住每嚿排骨，咬落外層又好香脆，肉質鬆化，個汁又唔會好嗆喉，的確有水準。清蒸細沙巴躉仔 $148呢度仲有個小插曲，佢本身有分大條、細條，我哋4個人咁就梗喺嗌條細啦！最後真喺唔知咩原因 嚟咗條大嘅，我哋亦都有同侍應反映嚟錯，怕喺其他客叫嘅，侍應同廚房溝通咗一大輪，最後應該喺廚房整錯，亦無其他客有嗌大嘅沙巴，所以，變相益咗我就食條大嘅，真喺多謝廚房大佬，魚條蒸得啱啱好，肉質非常之嫩滑，又好有魚嘅鮮甜味。瑤柱扒豆苗 $138單喺睇樣就見到交足貨啦，豆苗多，瑤柱又多，仲要前者好嫩，後者唔喺碎濕濕嘅貨色，陣陣鹹香，令青嫩嘅豆苗更加好食。瑤柱蛋白炒飯 $128依家同佢哋食飯都好少嗌白飯，反而次次都嗌啲碟炒粉飯麵，想大家食得好啲嘛，而今次呢碟炒飯 亦覺炒得有水準，飯粒夠乾身，又加咗好多炸瑤柱絲、蛋白同菜粒，味道亦剛好。整體嚟講，啲招呼都OK嘅，個別阿姐仲好鬼有禮貌，菜式嘅份量都好足秤，味道亦都唔錯，難得唔收加一添，呢個位真喺要讚；相反，要彈一彈嘅就係啲杯碗好似洗得未夠乾淨，有部分杯拎上手有啲「黐立立」嘅感覺。…查看更多

本身想食萬發，但因為開年好多人排隊，馬上轉陣去左呢間。格式好似酒樓咁，都係叫餸食飯！🔷一品燒雞(半隻) $138 💫7.5/10雞肉夠滑身，脆皮夠哂香口，加埋隻雞都算半肥，食落有油香、雞味。🔷風味蒜香骨 $88 💫6.5/10排骨夠腍，一咬都離骨，炸到剛好唔會太乾。但蒜香味唔夠，入面D肉係完全冇咩味。🔷椒鹽炸粟米 $58 💫9/10呢個又係出奇地好食，粟米好甜香脆，咬落去爆汁，炸完灑埋椒鹽，咸甜咸甜，正！🔷懷舊蝦多士(4件) $88 💫8/10必叫之一菜式，真係唔係太多地方有得食。蝦爽脆，加上甜脆口嘅多士，再加埋沙律醬，好食！🔷椒鹽鮮魷$108 💫8/10呢個好味道，炸漿夠哂薄脆，咬落去魷魚幾爽脆唔會霉，加埋椒鹽好惹味！份量都好多，抵食。🔷金銀蛋白菜仔 $82 💫7/10呢個正常，普通一個菜湯，金銀蛋唔算出味。🔷白灼花螺 $148 💫6/10冇咩太特別，某幾粒仲有啲腥，一定要點埋佢個辣醬，餸酒食。🌟總結：味道唔差，價錢合理，岩哂成班人食飯，食物選擇多，一定搵到啱食。…查看更多

路過多次都未幫襯過，今晚有機會一試。原來佢係頂咗上手已有一年了 (據講之前係惡評如潮)。大家各自揀餸，上枱時先發現全部都係炸物😅😅每一味都好好食，欖角骨最為出色！粟米龍躉班塊夠乾身，蝦多士不油膩。椒鹽粟米略嫌多了一層脆粉，否則更完美。生炒糯米飯乾身，談不上生炒，但夠料夠味。全場滿座，雖然係上樓室內，但氣氛相當熱鬧，同店名相符🤭好耐沒遇見一個場仲有圍板擺酒添！P.s. 真係爆場，廚房都好忙兼會慢上菜，但你好耐冇見既服務態度，會响昵度揾到。人手不多，但每個伙記都好熱心，跟單既會跑到入㕑房催，連執枱阿姨都有團火，見經理做唔切會幫埋手招呼客人兼寫單。其實，昵d咪有heart既服務囉。個人而言，我反而覺得咁先係敬業樂業，專業精神！就算你等耐咗，都值得。相比起北上既大商場食府，只用人海戰術，機械人作業，相差甚遠。…查看更多

在深水埗/長沙灣區真的不難找到酒樓，前身的一間食肆曾經因為衛生問題令到我無辦法再踏足這大廈。近來經多位朋友力推，終於鼓起勇氣嚐一嚐這店；酒樓佈置頗有特色不過未必人人欣賞他的懷舊氣氛，但要數乾淨，這間算是做得到了相信為迎合不同客人，除了大廳酒樓有不同房間間隔甚至窗邊卡位供選擇。服務質素算ok，兩次飲茶經驗都很理想，點心選擇不算多質素卻比一般好少少，價錢合理，總之可以繼續幫襯。希望酒樓睇到我這食評會繼續努力，下次試他們的晚市小菜，因為今日見到餐牌選擇好多呀～🙂…查看更多

一行十人開心食生日飯，未試過食飯食到一肚氣。金沙涼瓜片又咸又油又唔脆，勁難食。一品雞，凍而無味，唔知食緊咩肉。瑤柱蛋白炒飯，好細碟。南乳炆齋，味道單一，好多汁，一啲好鹹一啲無味。鳳梨生炒骨，肉質好硬，掛唔到汁。所有食物都好差。最後準備切蛋糕時，職員攞出2個蛋糕，有一個蛋糕被跌爛，水果全部整跌晒，沒有道歉，只有不停解釋強調唔關佢哋事。仲好話第二個蛋糕無事，不停解釋佢哋蛋糕會好小心處理，絕對唔會跌爛蛋糕，但事實就係蛋糕爛咗。非常不負責任。此餐廳我已食過多次，一向正常。但今日嘅食物真係好差好差好差。以後唔會再幫襯。…查看更多

今晚16位晚飯，哩間大排檔已經系watch list 應該有一年，今次約會可以話大家都難得的滿意，近年系香港都比較難得。味道(4分)- 所有彩式都真系好夠鑊氣，非常熱辣辣，好有以前大排檔風味。- 叫了十幾個菜(太多太好味影吾切，加埋openrice暫時我只可以放12張相，另外名字可能同餐牌吾一樣咖),可能只有2到3個系剛剛合格高小小    - 乳豬感覺吾系即燒，皮有d靱。    - 生炒糯米飯太少蠟味。    - 豬肝粉腸煲得好少粉腸，豬肝亦太熟太”鞋”-比較好的菜式🈶   - 魚腸焗雞蛋，表皮脆香，魚腸多，   - 炆龍躉尾，肉滑又多肉，加埋燒腩仔同支竹真系配合得好好。- 懷舊蝦多士  環境(4分)- 簡單得來有特色，起碼比附近開間排曬隊🐷x記好好多。-居然有張大檯可以坐16人，旁邊仲有個小屏風，吾錯。服務(5分)- 可以話大部分女服務員都好到位，有笑容，有熱誠，仲非常主動幫忙，系香港比較少見。- 除了兩個男的系目無表情，但都做足無托手肘。-打過2次電話，一個女性的聲音語氣,給人感覺比較兇。衛生(4分)- 正常啦！比高一分系連女廁都話系幾乾淨衛生。- 抵食(5分)- 埋單$3394，人均$212食10幾個好味菜式，性價比非常高。…查看更多

食過呢間歡樂大排檔幾次之後，今次趁住中秋帶屋企人嚟食飯，試吓呢到嘅圍餐😋發現呢到真係好適合同朋友/親戚聚餐！呢到裝修懷舊風，好似穿越去80年代咁！整體食物質素高😙- 乳豬: 外皮燒到脆一脆，唔食皮嘅都唔驚冇嘢食，啖啖都係肉，仲有汁唔驚乾得濟- 上湯龍蝦伊面: 大大嚿龍蝦，一圍分每人都有得食，仲要好鮮味🦞食到伊面唔夠食- 脆皮雞: 其中一樣我最鍾意嘅菜式😍食到最後個皮仲係脆架。雞胸都嫩滑，雞脾更加唔話得啦- 蝦棗: 好彈牙食落有蝦味，如果比多啲醬就好喇- 鮑魚鵝掌: 圍餐有得食鮑魚太有口福了！鮑魚好淋但鵝掌唔夠入味🥹整體嚟講嘢食高水準，啱晒一大班人嚟食，會再嚟！…查看更多

朋友生日一早book定檯，餐廳環境ok。叫左11個餸，人均$300。必食香脆豬扒皇：好普通既豬扒，唔脆！點解會改咁既名？同普通自己醃既煎豬扒冇咩分別。相比之下光榮冰室豬扒好食好多燒鵝：個汁ok, 但鵝肉好柴叉燒：幾好夠淋，如果加返啲甜味會更好炸大腸： 味道好，但唔脆，成碟都係淋焗魚腸：正常炸栗米：好好食！夠脆，粟米又甜蝦多士：正常，冇咩特別梅菜扣肉煲：第一次食咁dry既梅菜扣肉，肉鞋，少梅菜、個汁都麻麻地蒜蓉炒西蘭花：呢碟菜有驚喜，調味好好潮洲普寧脆豆腐： 冇味！無調味炸豆腐，個汁好差，蔥加水就當汁，冇味，豆腐炸完又唔脆蠔仔餅：味道好，但偏油，成碟野淋晒…查看更多

我哋之前黎歡樂大排檔食過小炒，今次再同屋企人一齊去，book左間房有電視睇奧運！今次試啲唔同嘅菜式（我會話係比較似酒樓嘅菜）整體嚟講，食物質素都幾好，性價比都幾高。- **蒜片牛仔粒**：賣相不錯，果然有驚喜！估唔到廚師會用蝦餅/蝦滑配搭，好新鮮啊！而且牛仔粒都好嫩。- **鮑魚鵝掌**：鮑魚味道算濃厚，以價錢嚟講就應該唔係乾鮑，但大大隻好過癮，鵝掌就覺得唔夠淋。- **XO醬炒墨魚花西芹**：墨魚花切得幾厚，口感爽口，份量足夠。呢個餸我以前未試過，所以覺得有驚喜。- **上湯龍蝦伊麵**晚市孖寶西澳龍蝦+燒鵝，六個人一齊食，每人都有一大塊龍蝦肉，龍蝦都幾新鮮，但我最鐘意係個伊麵同個汁！- **孖寶配例牌燒鵝**：燒鵝不過不失，無特別突出。-**椒鹽炸粟米**：本身都係口痕見到想食，無諗過咁好食，絕對係MVP，大人細路都鍾意酥脆得來粟米本身又唔會話太乾，亦都唔係太鹹味道啱啱好！整體上，今次食飯都好滿意，餐牌見到有好多嘢想試 （雞煲翅、幅圖賣相好精緻嘅冬瓜盅etc etc）下次再嚟食！ps今次坐獨立房就要加一同埋有最低消費，之前就免加一希望呢啲評論幫到你Enjoy！…查看更多

今日中午去歡樂大排檔飲荼，有意外驚喜，有特價點心，9.8每人只可以叫一份，雖然是特價，但味道都不錯＇而且服務質素不錯。還有特色人心烏荼入口茶，味甘香媽咪很喜歡。…查看更多