順譽滷味大王

营业中

休息中

❤️加餸加餸！今日翻工咁辛苦懶得煮飯，一於買外賣加餸～🧡有無人同我一樣都係咁鍾意食滷水～滷水係嗰種又濃郁、但比起豉油嗰種鮮咸，更加多層次同豐富複雜嘅味道。🩷所以今次特意試下呢間專做滷水嘅專門店！果然名不虛傳～滷水有陣回甘，圓潤又唔霸道！有撲面而來好香、好複雜嘅香料香氣！非常之入味。💙今次食嘅滷水拼盤，足足有齊11樣餸～有獅頭鵝肉、豬頸肉、豬大腸、豬腩肉、墨魚、紅腸、鹵豆腐、鵝腸、鵝腎、鹵蛋、豬耳！好豐富～🩵鋪頭環境好乾淨，到手嘅外賣係暖笠笠，等外賣期間店員仲會邀請客人到店內坐喺度等，好親切！