海鮮係我至爱，又有七五折，當然唔會拒諸門外！
餐廳店面唔大，因座位少，坐得相當舒適！
脹卜卜花甲，相當肥美鮮甜
日本放養豬梅頭肉，用霸王花輕輕腌過，蒸完唔膻，肉味突出
扎扎跳基圍蝦，每人三隻的份量，相當鮮甜爽口
深海龍躉片，魚肉新鮮，最欣賞塊魚皮，好厚，好似食緊花膠
BB象拔蚌，非常新鮮，清洗的相當乾淨
特大鮮甜扇貝，特大真係一D都唔誇張，一隻要分幾啖咬，蒸到大概七成熟，鮮甜脆嫩。此環節最大的特点係扇貝裙邊被拆下另上，整隻扇貝清潔的相當乾淨，可以放心食
蟲草花紅棗冬菇蒸雞，配以優質冬菇及蟲草花蒸出黎的雞肉，香氣撲鼻，雞肉入味而滑
手打墨魚滑及鮮蝦滑，先食蝦丸，蝦肉鮮味濃郁，口感彈牙；墨魚丸同樣口感十足，伴以粒粒墨魚碎，很有嚼勁
時令七色時蔬，從材料到顏色搭配，都盡顯餐廳對食物質素的要求
南瓜粟米鮮排骨粥，味道冇想像中的甜，清清地都oka！
特色甜點，有香瓜，清甜，其餘甜點主要以四種鮮果製成的，有芒果、菠蘿、香蕉及木瓜，入口即溶，口感似刨冰，最愛芒果味
餐廳的食材有質素，價格亦親民，服務方面亦非常到位，每位店員可service兩張枱的客人，所以成晚全程有人幫手，咁就唔怕D海鮮因唔識計時而蒸過火變韌，貼心的服務，抵讚
