勁餃笑

营业中

休息中

黃埔一向美食多籮籮，見到呢間餃子店個名幾有趣：勁餃笑！於是入嚟試吓鮮蝦帶子餃皮薄餡靚，食到粒粒迷你帶子&蝦粒，而且可以在自助醬料區調配醬汁，本人就試左用餃子蘸lime juice~ 微微的酸味尤其開胃！黑松露豬肉餃每一啖豬肉都帶有微微嘅黑松露香味，而且黑松露亦不會搶晒風頭，再飲啖自家製清湯底，更加fresh!花膠雞肉湯麵（揀左扁麵）麵條彈牙煙韌，花膠新鮮淋甜，雞絲手撕即製，再配上自家製菜脯，既香辣又惹味！不過食唔到辣嘅朋友要注意下，因為的確幾辣～味噌蘿蔔好清甜，咬落去蘿蔔唔會有一條條根，配上味噌更加香口！醉蝦師傅將蝦肉剝埋殼，再放上花雕酒醃得更入味！醉雞翼應該醃左一段時間，雞翼肉質厚實，每一口雞翼都充滿酒香味！自家製金羅漢果白茶係呢個炎炎夏日飲一杯清甜茶飲，尤其解渴！