土瓜灣依啲舊區就緊係多小店食。今次就食左呢間襟撈湯飯。佢鋪頭細細，自坐低已經見不停有人黎買外賣，可見受附近街坊歡迎🤗
💋醉鴨舌
平時我都有係屋企整下#鴨舌 。但鴨舌要浸得入味就好易變太淋。依間做到岀色嘅位係，香酒味得黎，食落唔會淋，仲係好有口感！而且三十八蚊有一大兜，嬴#老天禒 食條街。
💋蠔門不碎湯飯
啲#蠔仔 勁肥美，成隻咁大粒，而且一碗有好多！加上肉碎，厚身#冬菇 ，粒粒冬瓜，非常豐富。落少少佢地嘅#秘制菜脯 就更加香口惹味。大推！
💋鹹濕仔湯飯
鹹濕仔即係咸鴨腿。食落有啲似母親整嘅#客家鹹鴨 ，唔錯唔錯！湯亦都有住家的味道，飲落鮮甜。
💋 麻辣花螺
好少可係食泡飯嘅地方有得食依味野，通常都係係海鮮酒家先見到。個麻辣汁食頭幾粒唔覺得好辣，但愈食就愈辣，好過癮。#花螺 亦都好新鮮！係酒家嘅質素，小店嘅價錢😽
💋沙薑豬手
本來以為佢係用沙薑醬，但原來係用新鮮沙薑粒，誠意之作。豬手好爽口，而且佢幫你切到細細舊，食係上黎好方便。
💋麻香海哲
又係酒樓先會食到嘅海哲，但呢到三十幾蚊就食到🤣🤣好香麻油味同食落好爽口。加埋木耳，成件事好夾！
💋鮮奶桃膠
食食下見好多人特登黎外賣幾個走。所以都跟隊試下。佢嘅上層係桃膠糖水，下層係奶凍，唔會太甜同冇幾重口感，廿五蚊黎講唔錯。
重點一提，係店內嘅姐姐超有禮貌，亦都見佢同啲街坊會吹下水。仲有，見佢連到外賣員都係勁好禮貌。真心加分不少。
5
食完仲可以去附近嘅牛棚藝術村行下添！
