小曼谷泰國美食站

营业中

休息中

餐廳喺銅鑼灣一棟好新嘅商業大廈，餐廳同埋商場嘅裝修都好靚。餐廳仲好有特色咁擺咗一㗎火車喺度，啲燈飾同小擺設都係用火車來做主題。另外每晚仲有live band show，好有氣氛。好似真係去咗一晚曼谷咁。冬蔭公湯(選用原隻虎蝦)份量十足，一煲可以分到6-8碗湯。揀咗少辣，湯嘅香芧味好出，食到輕微嘅辣度，好開胃。另名，原隻虎蝦超足料，有成隻碗咁大，肉質都夠晒彈牙。鮮蝦泰國金柚沙律金柚本身又甜又多汁好解渴，沙律上面灑滿咗炸過嘅花生、同埋炸過嘅洋蔥絲，口感好有層次。而且鮮蝦彈牙鮮嫩，夠晒新鮮。黃咖喱豬頸肉黃咖喱好香濃，味道偏甜，入面有薯仔、洋蔥同埋青椒。豬頸肉嘅份量都非常多，豬頸肉放入黃咖喱之前有煎香過，食落變得唔會油膩，而家外脆內軟。泰式原味烤薄餅薄餅啱啱炸好上台，又脆又熱，浸左黃咖喱一齊食，將薄餅本身嘅牛油香味帶番出黎。