美味的泰國菜

营业中

休息中

平時見到好多人係到排隊，今日約左老豆黎試試。🫕冬陰公湯好足料，有幾款海鮮如：魷魚、蝦，酸酸地辣辣地，好開胃。🥬碎肉生菜包肉碎比得好多，少少辣，夾埋生菜食好新鮮，🐔泰式燒雞鮮嫩多汁，個皮帶小小脆，好惹味。🍲泰式豬肉濕炒河呢個河粉同平時食嘅有啲唔同，比較痴口，帶少少透明，個味幾特別。🥭香芒大蝦炒飯芒果夠甜，超鍾意呢個飯，大大份又好食，芒果同蝦嘅份量都比得好多。呢間餐廳食物大份足料而且好味，更難得係價錢唔貴，仲要係泰國人打理，cp值好高既一間餐廳😎唔怪得咁多人排隊。