城寨煲皇

营业中

休息中

琴日去左城寨煲皇打邊爐，真係好滿意👍🏻淨係打卡都影左勁耐，好少有呢啲咁有香港特色嘅餐廳！☑️城寨龍鳳雞煲翅呢個城寨龍鳳雞煲翅好似係招牌湯底，所以又鍾意食切嘅，我就決定梗係揀佢！哇，湯底非常足料，味道好濃郁，入面有超多花膠魚翅，淨係食湯渣都食到飽啊！我地仲叫左以下食物:☑️象拔蚌刺身☑️原隻鮮魷☑️城寨封門柳☑️野菌雜菜盤象拔蚌刺身晶瑩通透嘅顏色好吸引，而且仲非常之鮮甜，大約會有2-3人份量。估唔到原隻鮮魷超大條，又新鮮！城寨封門柳口感非常之嫩，仲有陣陣嘅濃郁牛肉香味。顏色鮮艷嘅野菌雜菜盤，有好多唔同嘅蔬菜，全部都超級新鮮！