第三站

今日行街睇波鞋，行到攰攰地。想搵間cafe慢慢坐下休息。search 到第三站係OpenRice 好多人好評, 就去試下。六點鬆啲去到，已經有一半滿座。餐廳喺25樓，一望入去好開陽，大嘅玻璃窗，見到出面好寬闊嘅景觀。喺門口嘅位置擺咗一個放board game嘅櫃，種類都算多。燒牛肉配田園沙律晚餐（$96）配青蘋果梳打（+$4）：沙律菜好新鮮，牛肉亦都好夠味。青蘋果梳打正常水準。意式芝士肉醬闊條麵晚餐（$102）配熱情果紅茶（+$4）：肉醬一啲都唔孤寒，闊條麵份量都好多。熱情果紅茶好好味。煙三文魚沙律（$82）：沙律菜都係好新鮮，煙三文魚嘅煙熏味好夠，係我鍾意嘅味道。蜜糖芥茉單骨雞翼（$76）：雞翼嘅香草味好香濃，點埋蜜糖芥末醬中和返雞翼嘅肥膩感。欣賞呢度嘅環境好簡潔闊落，係大家同朋友相聚嘅好地方。